Guwahati, Feb 3: United Bodo People’s Federation (UBPF), Bodoland Territorial Region (BTR)-ni a•palo donggipa Bodo aro Kachari jatrangni lekka pora skie ra•anio, ku•siktangchi sea jotanio aro jatni dakbewalrangko tang•doatna miksonganio, skanggipa changna Annual Conference-ko Guwahatio ong•atangaha.
Ia salgnini program-ko February 1 aro 2 tariko, Guwahati-ni Bathopuri-o donggipa Socio, Literary Cultural Complex, Bodoland Sahitya Sabha Open Field-o ong•atangaha.
Ia program ong•atani gnigipa salo, jinma tom•bimonge chanchirimaniko dakangan baksa, Bodo ma•gitcham pagitchamrangni chrokmesaani koba dakangaha. Indake ia tom•anio, gisik matsramgipa manderang, a•gipbi ki•tap serakgiparang, songsalni namgnina dangdike on•giparang, Bodo me•chik dolrang, political dilgiparang, skigiparang, chatro chatrirang aro Assam a•dokni dam 24 a•jarangoni aro BTR-oni sak 4,000 mangni gita sokgiparang bak ra•angaha.
United Bodo People’s Federation, 2023 bilsini June 4 tariko conference-ko Guwahati Kamrup (M) Assam-ni Betkuchi-o donggipa Balaji Mandir Auditorium Hall-o ong•atanio a•bachengatgipa dol ong•a. Ia dolko bikotani miksonganiara, BTR-ni a•palo donggipa Bodo aro Kachari tribal manderang ko nangrimatna, chel•chakna aro janggi tangani gadangrangko tang•doatna aro unbaksana, uamangni jatni dakbewal rikbewalrangko, ku•sik aganani, sea jotani, lekka pora skie ra•ani, political-ni gita man•gni bilrangko ripinge rakkina aro Bodo manderangko mangrakbatatna, ku•cholsan ong•na, tom•tomani aro silroro namroroaniko ra•bana inen ong•achim.
UBPF-ni General Secretary, Babu Boro, ia dolko bikotani gimin janapengon, uamangni jat, ku•sik aganani, ganding chinding, jatni dakbewal rikbewalrang, olakkiani bewalrang aro pilakkon ia dol gita ra•dona jotton ka•gen aro je biapon uamangni ku•sik agana jakkalanirang gimaanggen, uamang koldopilgen, jeon school dongja uarangko uamang nirokgen, indake dakanichi Bodo manderangni mikkangchi janggi tanganiko namdapatna miksonganio ia dolko bikotaha ine aganaha.
Na·simang ia video-koba nina man·gen:
Na·simang iakoba poraina man·gen: Singra Forest Range-ni gita World Wetlands Day-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
