Ampati, Jan 8: South West Garo Hills a•jani Rerapara C&RD Block ning•o donggipa Upper Damalgre songo, gital sub-centre ba Urban Health & Wellness Centre-ko Mongolbar salo, Rangsakona constituency-ni MLA aro Khadi & Village Industry Commission-ni Chairman Subir Marak-ni jakchi nokdonggae on•angaha aro ian 15th Finance Commission-ni ning•o dokgipa Urban Health & Wellness Centre-ko South West Garo Hills a•jao kulie on•aniba ong•aha.
Ia gital Urban Health & Wellness Centre-ko kulianichi, Upper Damalgre jolo donggipa gimik damdok songni manderangna Out Patient Department (OPD) baksana dingtang dingtang sanna bananirangkoba on•na man•gnok.
Ia Urban Health & Wellness Centre-ko nokdonggae on•anganio, Rangsakona-ni MLA Subir Marak, tom•anio bak ra•giparangna aganprakangengon, ia gital kuligipa Urban Health & Wellness Centre-o indin on•na sienggipa sanna banani cholrangko jinmana talate on•angenba, ia namgnirangko ra•china songni nokni manderangko didiangaha.
Tuberculosis Elimination Campaign-ni bidingo janapangengon, TB saaniko bon•atna man•na gita TB saani chin donggipa manderang pilakkon health centre-rangona re•ange, an•tangtangko porikka ra•e nichina Marak didiangaha.
Ia sal somoirango gisikni gita an•senggijaniko man•ani aro pekatgipa samrangko jakkalanirang batroroengani gimin an•tangni suk ong•gijaniko parakatengon, iandakgipa nokdangrangko ia gital kuligipa Urban Health & Wellness Centre-ona re•ange, agan-ku•pattiani aro sanna bananirangko ra•china Marak didiangaha.
Ia program-ko ong•atanio, SWGH a•jani Additional Deputy Commissioner TK Sangma-ba dongpae jinmana aganprakengon, ia gital Urban Health & Wellness Centre-ko man•ahani gimin songni manderangna an•tangni kusi ong•chakaniko parakangenba, an•tangtangni sambao man•enggipa sanna banani cholrangko ra•china, songni manderangko ku•pattiangaha.
Na·simang ia video-koba nina man·gen:
Na·simang iakoba poraina man·gen: Umshek Picnic spot-ko January jao sal 10-na chipatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
