Tura, Jun 19: Mikkarang jimbee waangani ja•man Budbar pringni 8:00 bajimango, Upper Dobasipara-o donggipa retaining wall damsa be•wakbaenba, ka•mao donggipa dokkan ge•sao be•dapeaha.
A•sel ong•ani ja•man pringni 10:30 bajimango police-rang ua biapona re•angenba, a•a be•dapgipa biaprangko niangaha.
A•a be•dapa man•gipa dokkanni nokgipara Dobasipara-ni Gopal Das ong•achim aro a•a be•dapanichi ua komibeoba gong lak 1 ba lak 2-mangni gitade noksan ong•atako man•aha.
Dokkanko be•dapgipa retaining wall ba pakmara namen gitchamahani gimin be•na sie dongengachim aro Budbar pringo mikkarang jimbee waangani ja•man ia pakma be•gruangaha.
Ia a•a be•dapanio, sambao donggipa Subam Hajong-ba neng•nikanirangko man•na nangaha maina a•arang be•dape uni nokona dakanggipa ramaba champengatako man•aha. Ia a•sel ong•anio uni chongipa dokkanba nosto ka•ako man•aha indiba ua adita salrangna skangonin dokkanko chipe donahani gimin bosturang bang•jae inditana noksan ong•atako man•skajaha.
Subam-ni dokkan sambao, bilsi 70 ong•gipa Subha Das-ni chalaienggipa cha dokkanba dongachim indiba rasong gnange uni dokkande a•a be•dapaaoni jokskaaha.
Ia a•a be•anio dokkan ge•gnian nisigalako man•ahaoba ua somoio dokkan ge•gnian chipani gimin darangba saknaanirangkode man•jaha.
Na·simang ia video-koba nina man·gen:
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
