Shillong, July 10: Boxing kal·susaani a·bao gisik nanggiparangna bakrimaniko mesokan baksa kal·anio bak ra·na didianiko on·ani gita East Khasi Hills Boxing Association-ni sak 9 boxing kal·giparangko Cabinet Minister aro local MLA ong·enggipa Hamletson Dohling dingtangmancha mande ra·aniko sonibar salo Gorkha secondary School noko dakangaha.
Tom·anio Minister Dohling, boxing kal·anina Mylliem-ni chadamberangni gisik nangbeanina aro bang·bea nang·nikanirangko man·genchimoba gisik nange jottonka·stapanichi chu·sokaniko man·e rasongko ra·baanina katchaatangko parakataha. Unikoa boxing kal·anina dingtangmancha skie on·aniko dakenggipa Coach-rangkoba mittelangaha.
Mande ra·aniko dakna tom·bimonganio Boxing Federation of India-ni General Secretary, Larry Kharpran baksa kal·suaanio chegipa sak 9 chadamberangni nokdangni manderangba dongpae bakko ra·angaha.
Meghalaya Games 2022 ong·atgipao iamang sak 9 boxing kal·giparangan District level-o bak ra·e Gold medal ge·bri, Silver medal ge·bri aro Bronze medal ge·sako man·anggiparang ong·a.
