Guwahati, Feb 4: Tezpur, Assam-ni police dolrang, USA-ni Baptist Mission baksa nangrime kam ka•enggipa sakgni manderangko, ja•rikna on•gimin Visa-ni niamrangko pe•aha inenba rim•aha.

Ia rim•a man•gipa manderangara, John Matthew Boone aro Michael James Flinchum ong•achim.

Police-rangni aganani gitade, Boone aro Flinchum sakgnian, e-tourist visa-ni gita Indiaona re•baaha aro adita jarangonin Tezpur-o dongchakengahachim.

Indake, Tezpur-ni Mission Chariali-o donggipa Baptist Christian Hospital-ni campuso aganprakaniko dakenga inenba Police-rang koborko man•soaha.

Iani bidingo, Kacharigaon Police Station-o GD No. 03/2024-ko February jani 2 tariko mokordomako segataha aro sakprako tangka gong 500-ko gamchina rai on•aha.

Sonitpur Additional SP, Madhurima Das, tourist Visa norms ba ja•rikchina on•gimin niamni gitade, ia visa-ni ning•o songregipa manderang tomromni kattarangko aganprakna ba skiprakna aro je toromni kamrangko ka•na man•ja. Indake, gamna nanggipako gamani jamano, uamangko watatpilaha ine aganangaha.

Watch