Guwahati, Dec 22: Sonibar salo, Georgia, USA-ni Berry Thompson minggipa bike salna namnikgipa saksa, NH 27-gita Silchar-oni Lumding-ona re•angmitting somoio bilsubee rama a•sel ong•anio janggitangko gimaataha.

Ia ong•a obosta, Lumding-Haflong highway-o donggipa Hill Dhaba-ni mikkanggriko ong•aha. Berry Thompson, AS 11 N 0804 registration number donggipa Enfield Himalayan motorcycle-ko sale re•angmitting somoio, ta•rake re•baenggipa Ashok Leyland 1109 truck bolsa baksa cha•gakeaha. Rama a•sel ong•a bikan truck-ko salenggipa driver biapko wate katangaha. Thompson-na sanna bannaniko on•a gita Lumding Civil Hospital-ona rimangahachim, indiba doctor-rang uko siakosa rimbaaha ine parakataha.

Berry-ni siani bike salna namnikgipa sakantinan ka•a be•aniko ra•baaha. Uni bike sale gital gital biaprangko re•e nina namnikani uamang sakantinan didianiko on•achim ine an•tangtangni duk ong•aniko parakatengon, mikkangchi iandakgipa rama a•sel ong•aniko champengna gita gari salanio chel•chakaniko dakchina jolo bike salna namnikgipa saksa jinmao didianiko dakangaha.

Police dolrang iani bidingo am•sandianiko dakan baksana truck gari aro uko chalaigipa driver-ko sandienga. Truck gariko u•ina gita mikrontangchi nikgiparang baksana CCTV camera-ni jawilwatrangko nipilanirangkoba  dakenga.

Na·simang ia video-koba nina man·gen:

Na·simang iakoba poraina man·gen: NEC Plenary Session-o salgro salaram a•dokrangni namroro silroroani bidingo chanchibatanga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub