Guwahati, Mar 5: Patharkandi-o donggipa Central Public School-ni klas 12 CBSE porikkako seanio chatro chatrirangna dakchakaniko on•gen ine tol•e ku•rachakanina matnange rim•a man•gipa USTM-ni Chancellor Mahbubul Haque-na March 3 tariko bail on•a tik ka•aha indake ong•genchimoba ia mamlani bidingo Gauhati High Court, March 11 tariko nipiltaianiko dakanggen ine parakataha.
Justice Parthivjyoti Saikia, Haque-ni bail petition-ni bidingo golmal ong•aniko u•iani ja•man ia mamlani bidingo name sanditaianiko dakchina police-na ge•etaniko on•angaha.
Mahbubul Haque, Central Public School, Patharkandi-o klas 12-ni CBSE Physics porikkako sak 274 chatro chatrirangni seanio dakchakaniko on•gen ine ku•rachakaha. Indake ianoni sak 60 chatro chatrirang de a•jatangni ong•achim aro bangki chatro chatrirangni bimungko ia schoolo niamgri segataha, indake ong•genchimoba ia chatro chatrirangna USTM Campus-osa ‘Vision 50 Program’-ni ning•o coaching class-ko on•skaengachim. Indake ong•engon ia chatro chatrirang an•tangtangko Central Public School-o segataha ineba u•jachim aro porikka seani somoiosa uamangna ku•rachakgimin gita dakchakaniko on•jani gimin USTM-ni Chancellor-ni kosako badi ka•doaha.
Iasan ong•aigija sak 45 chatro chatrirangni porikkako pass ka•atna gita uamangoniko gong lakh 5 ka•e USTM-ni authority-rang ku•mitduko ra•aha ineba uamang matnangataha.
Iandakgipa matnanganirangna USTM-ni Chancellor Haque-ko February 22 tariko rim•aha aro Chief Judicial Magistrate, Srubhumi-ona rimangaha. Iani gisepon uko chu•gimik bail on•ani bidingo March 11 tariko High Court nikpiltaianiko dakanggen.
Na·simang ia video-koba nina man·gen:
Na·simang iakoba poraina man·gen: Music aro ja•wilwat tarigiparangko tang•doatna miksonganio budget-ko chama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
