Shillong, Feb 23: CBSE skulo ong·gija kamrangko ka·a ine matnangenba rim·ako man·gipa University of Science & Technology Meghalaya (USTM)-ni Chancellor Mahbubul Hoque-ko Sonibar salo, Assam a·dokni Sribhumi-o donggipa district court-o mikkangpaataha aro una jaminko on·na jechakenba kachari, sal chi·brina judicial custody-o donataha.
USTM-ni Chancellor-ko Assam-ni Chief Minister Himanta Biswa Sarma, dingtang dingtang kamrangna matnangani ja·man Sukrobar salo police-rang rim·aha aro uko rim·ani bidingo bang·a manderangan, ‘politics’-ni gita kal·ani ine agantokaha.
USTM-ni Chancellor-ko rim·ani bidingo Aligarh Muslim University-ni gitcham membor Dr Maskoor Usmani-ba raken jegalataha aro uko rim·aniara Assam Chief Minister-ni matnanganio bak donga ine social media-o parakataha.
“Maini gimin Assam-ni CM, USTM-ni Chancellor-ko matnangenga? Maini gimin NAAC-A Grade man·pilgipa USTM-ko ua matnangna aro chipna jotton ka·enga? USTM-ko Meghalaya sorkarini ning·osa chalaienga aro UGC-ni dongimin niamrangchisa chalaiengachim,” ine Dr Usmani social media-o parakataha.
USTM-ni Chancellor-ko rim·anina Assam-ni Lok Sabha MP Abdul Khaleque-ba Assam sorkariko raken jegalatenba, batanggimin adita jarangonin Assam-ni CM Himanta Biswa Sarma, uko jinmani mikkango matnangaha ine parakataha.
Na·simang ia video-koba nina man·gen:
Na·simang iakoba poraina man·gen: Strawberry-ko ge•na Horticulture Department-oniko cholko ra•bo
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
