Khanapara, Sep 16: University of Science & Technology Meghalaya (USTM)-ni changchetgipa Convocation-ko re•baenggipa September-ni 20 tariko university-ni Central Auditorium-o ong•atanggen aro ia convocation-ko ong•atanio Assam Downtown University-ni Founder & Chancellor baksana Downtown Hospital-ni ENT Specialist Dr NN Dutta-na Honorary D.Sc. Degree-ko on•an baksana a•dokni gitcham Education Minister aro Padma Shri Manas Chaudhuri-na Honorary D.Litt degree-ko on•anggen.
Convocation-ko Meghalaya a•dokni Governor aro USTM-ni Visitor Satya Pal Malik dilanggen aro iano Meghalaya a•dokni Education Minister Lahkmen Rymbui aro dingtang dingtang university-ni Vice Chancellor-rangba dongpae bak ra•anggen.
