Guwahati, Dec 3: University of Science and Technology Meghalaya-ni Central Auditorium-o ong•atgipa Dr. Donkupar Roy Memorial National Debate Competition, Sombar salo name matchotaha.
Ia competition-ko USTM-ni Founder’s Day ba a•bachengatani salko maniani aro Meghalaya-ni gitcham Skotong Minister Dr. Donkupar Roy sagiko gisik ra•ani bak gita ong•ataha, jeon, a•songni mingsinggipa Institute-rangoni jera ra•na sapgipa chadamberangko nangrimatani aro an•tangtangni changa sapaniko mesokna chol on•aniba ong•a.
Indake, “Globalization is a Threat to Indigenous Society” ingipa katta bichongko ra•e jera ra•griksusaanio, Handique Girls’ College-ni Parismita Kakati aro Priyanka Saha, Best Team Award-ko man•aha aro gong 25,000 tangkako boksis man•aha, Assam-ni National Law University-oni Akansha Sarma, Best Debater Award-ko man•e gong 10,000 boksis-ko man•aha, JB Law College-oni Gaurav Kashyap, gnigipa Best Debater Award-ko man•skaaha aro gong 7,000-ko boksis man•aha aro Gauhati University-oni Mintu Deka, gittamgipa Best Debater Award-ko man•enba gong 4,000-ko boksis-ko man•skaaha. Una agreba, NEHU, Shillong-oni Namrata Sarma aro Sudip Kumar Mukhi, Cotton University-oni Tanzil Wazed aro Darrang College-oni Anuprerona Mahanta-ba consolation prize-rangko man•angskaha.
Indake ia competition-o IIT Guwahati-ni Sambit Mallick aro NEHU,Shillong-ni Prof. T. T. Haokip judge ong•e bak ra•angaha aro pilak boksis-rangko, USTM-ni Chancellor, Mahbubul Hoque aro Vice Chancellor, Prof. G. D Sharma-ni jakchi on•angskaaha.
Ia competition-o bak ra•anggipa dingtang dingtang mingsinggipa university-rangara, University of Delhi, Gauhati University, Amity University Gwalior, Cotton University, NEHU, JB Law College, Assam Royal Global University, Handique Girls’ College, Zakir Hussain Delhi College, Shillong Law College, Loreto Convent, SPM Guwahati, B. Borooah College, St. Anthony’s College Shillong, National Law University and Judicial Academy Assam, Kharupeti College, Swahid Sowarani College aro Darul Huda Islamic University ong•a.
Ia tom•anio aganengon, ia jera ra•grikaniko ong•ataniara, chadamberangni ning•tue chanchina sapaniko naatani aro orto gnanggipa chanchirimaniko dakna chol on•ani aro didiani ong•a ine USTM-ni Chancellor, Mahbubul Hoque aganaha.
Na·simang ia video-koba nina man·gen:
Na·simang iakoba poraina man·gen: Int’l Day of PwDs-ko South West Garo Hills-o mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
