Guwahati, Sep 27: Union Tourism Ministry-ni gita World Tourism Day-ko maniani salo, Shillong songjinmako Paryatan Mitra aro Paryatan Didi-ni songregipa biap ine seokangaha, indake da•o Shillong-ona songrebagipa sakantian dakrongbewalna bate nambatgipa rimchaksoani, sokachakani aro gisiko ra•na krabegipa dake nianirangkoba man•anggnok.
Tourism Ministry-ni gita Paryatan Mitra aro Paryatan Didi songreanina India a•songni dam 6 tourist destination ba songre songabatgipa biaprang jekai, Orchha (Madhya Pradesh), Gandikota (Andhra Pradesh), Bodh Gaya (Bihar), Aizawl (Mizoram), Jodhpur (Rajasthan) aro Sri Vijaya Puram (Andaman &, Nicobar Island)-rangko seokaha.
Shillong songjinmana agreba, ia Paryatan Mitra aro Paryatan Didi-na a•songni dam 49 songre songabatgipa biaprangkoba seokangaha. Salgro Salaram joloni seoka man•gipa gipin a•dokrangara – Guwahati, Dimapur, Agartala, Gangtok aro Imphal ong•a.
Paryatan Mitra aro Paryatan Didi-ni niksamsoaniara, India a•songni aiao inmanpilaniko, India a•songni aiao inmanpilgipa manderangchi rimchaksoaniko on•e gisiko ra•na krabegipa nika nianirangko on•a miksonganian ong•a. Ia ja•ku de•anichi, Tourism Ministry-ni gita joltangtangni palo kam ka•enggipa aro jolni mingsinggipa golporangko u•i ma•sigiparangko tourist-friendly-ni gita gronggrikatenba songre songabatani an•senganiko ra•dona miksonganin ong•a. Iarang pilakkon songregipa biaprango jean gipin biaponi songrebagipa manderang baksa agan-golpogrikanirangko dakengachim uamangna tourism-ni bidingo skie on•anirangko dakenggen.
Athithi Devo Bhava-o pangchake, para gari salgiparang, railway station-rango, airport-rango, bus station-rango, hotel-rango, restaurant-rango, homestay-rango kam ka•giparang baksana iani bidingo tour guide ba songregiparangko dilgiparang police personnel, rama samo pala simmaniko dakgiparang, dokan dakgiparang, chatro chatrirang aro gipin manderangnaba skie on•anirangko dakangan baksana, tourism, rongtal an•talani, naljokan aro pangkamani gamchatani baksana songrebagipa manderangna nambatsranggipa soka chakani aro simsak nirokaniko on•ani gamchatani bidingoba skie on•anirangko dakanggen.
Iano mongsongbate, me•chikrang aro chadamberangna skie on•aniko mongsonggipa ong•e ra•enga jedakode uamang songrebagipa manderangna joltango pangchake gital bosturangko tarina gita cholrangko man•gen, chong•motan jatni gimin am•sandie niani, jatni cha•a ringanirangko tariani, jatni wata chengani ba jaktangchi tarianirangko mesokani, biaprangko re•roroe niani, homestay ba dongram biaprangko dake niani aro dingtang dingtang dakgipa tourism-ni bosturangko dake ba tarie nina chol on•a miksongengan baksana, jolo donggipa manderang ia pilak skie on•anirangko man•e homestay-rangko chalaina gita, cha•a ringanirangko song•na sapgiparang, jatni bidingo aro ong•telaigiparangko mesokna sapgipa, kena gnang songreanirangko dilgipa aro gipin tourism-ni kamrangko ka•e cha•na gita cholrangko man•gen ine niksamsoanirangkoba iano man•gopa.
Na·simang ia video-koba nina man·gen:
Na·simang iakoba poraina man·gen: Cancer-na dingtangmancha kam ka·aniko nangenga: Meghalaya Health Secretary
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
