Shillong, March 22: March 23 tarikoni a·bachenge salgittamna Vice Chancellor-rangni National Conference-ko University of Science & Technology Meghalaya (USTM)-o ong·atenga aro ia conference-ko Bristibar salo, India a·songni gitcham President Ram Nath Kovind, do·ga oe on·anggen.
Ia National Conference-ko Association of Indian Universities (AIU) ong·atenga aro ia conference-o a·song gimiko donggipa dingtang dingtang university-rangni sak 600-mangni gita VC-rang bakko ra·angenga.
Ia conference-o AIU-ni chang 97-gipa bilsini tom·bimonganiko aro chang 97-gipa Foundation Day Lecture-koba on·angjolgen.
Conference-ko a·bachengatani somoio Assam-ni Education Minister Dr Ranoj Pegu-ba dongpae dingtangmancha jinmana aganprakanggen aro AIU Foundation Day Lecture-ko India sorkarini ning·o donggipa Economic Advisory Council to Prime Minister-ni Chairman Padma Shri Dr Bibek Debroy on·anggen.
Bon·kamgipa salo, Assam a·dokni Governor Gulab Chand Kataria, mongsonggipa sokgipa ong·e jinmana aganprakangskagen aro ia salo Meghalaya a·dokni Education Minister Rakkam A Sangma-ko man·chape dingtang dingtang a·dokni dilgiparangba bakko ra·anggen.
