Shillong, Dec 1: Dingtang dingtang scheme aro program-rangni bidingo songni nokni manderangna u•iataniko on•na miksonganio ma•mong sorkarini a•bachengatgipa Viksit Bharat Sankalp Yatra gita dakgipa program-rangchin ma•mong sorkari, diltugipa songrango donggipa manderangni nanganirangko on•na aro ma•mong sorkarini scheme-rangko sokate on•na kamko ka•enga ine Sukrobar salo, State BJP-ni ku•wattimgipa M Kharkrang parakataha.

North Garo Hills a•jao ia gital program-ko bang•a manderangan kusi ong•e ra•chaktokenga ine janapatengon, dingtang dingtang songrangona ia program-ni garirang re•ange, songni manderangna Aadhar, Ayushman aro uandakgipa scheme-rangko uamangni nokona sokate on•enga ine Kharkrang parakataha.

Badiaba badiaba songrangonade ma•mong sorkarini on•atenggipa scheme-rang sokangjaengani gimin ia program-ko a•bachengatanichi ia neng•nikanikoba namatna man•gnok ine State BJP-ni dilgipa aganaha.

Ia Viksit Bharat Sankalp Yatra-ko a•bachengatanichi da•ode songni nokni manderang, ma•mong sorkarini ra•gate on•enggipa dingtang dingtang scheme aro program-rangko ma•sina a•bachengengaha ineba ua aganaha.

Iakoba poraie nina man·gen: Shillong-o Water Heritage Fortnight-ko ong•ata