Ampati, Nov 29: Budbar salo, South West Garo Hills a•jani Ampati Multi Facilatation Centre-o District Rural Development Agency (DRDA)-ni ong•atgipa Programme-o Viksit Bharat Sankalp Yatra (VBSY)-ko a•bachengate on•angaha.
Viksit Bharat Sankalp Yatra, ian a•song gimiko manderangni namgnina, ma•mong sorkarini on•enggipa scheme-rangko aro programme-rangko u•iataniko on•a aro songdong a•chaenggipa manderangni man•gni bil-rangko jakkalani gimin talataniko on•a inenba miksonge a•bachengatani ong•achim.
Ian Hamara Sankalp Viksit Bharat Campaign-ni bakoni ong•a jeon, mande jelaniko komiatna, u•iatanirangko giproroatna, songdong a•chaenggipa manderangoniko skie ra•ani aro scheme-rangko man•a gita gisiko nanggiparangko bimung segataniko dake on•a mangsonganian ong•achim.
Indake sorkarini on•enggipa scheme-rang jekai, Ayushman Bharat-PMJAY, PM Garib Kalyan Anna Yojana, PM Awas Yojana, PM Ujjwala Yojana, PM Vishwakarma, PM Kissan Poshan Abhiyan, Jal Jeevan Mission, SVAMITVA, Jan Dhan Yojana aro uandake gipin scheme-rankoba ia campaign-ni ning•o man•chapataha.
South West Garo Hills a•jani Deputy Commissioner, R.P. Marak, tom•anio aganengon, Viksit Bharat Sankalp Yatra namgipa ja•ku de•ani ong•a jean ia scheme-rangni gimin u•ikugijagipa songadamo dongenggipa manderangna iandakgipa dingtang dingtang namgnina on•enggipa scheme-rangni gimin u•iataniko sokatna gita chol ong•enga aro ia campaign-ni ning•o a•jani dam 540 songrangko jako ra•e kamko ka•anggen ine aganangaha.
Indake, DRDA-ni ADC & PD aro Viksit Bharat Sankalp Yatra-ni District Nodal officer ong•enggipa, R.Z.D. Shira-ba, ia Programme-ni namgnirangni gimin aganan baksa ka•gni kamrangni gimin aro mikkangchi ong•atgni program-rangni gimin talate on•angaha.
Uandake bonkamao, “Hamara Viksit Sankalp Bharat”-ko ku•mitchetaniko ua dakdilangaha.
Ia Programme-ko ong•atanio, NRLM-ni ning•o nambate kam ka•gipa, ICDS-ni ning•o Anganwadi worker-rangna aro beneficiary-rangna boksis-rangkoba on•angjolaha.
Iakoba poraie nina man·gen: Simsanggre Soil and Water Conservation Division-ni gita song damgittamna bosturangko suala
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
