Tura, July 22: Garo Hills-ni dambonga a•jarango Village Council-rangko songaniara Nokmarangna on•gimin bilko pe•ani gita ong•gen aro Village Council-ni ning•o baditaba sak A•king Nokmarangko man•chapna siengani gimin ian Nokmarangni gisepo meligrikgijaniko ong•katatani gita ong•gen ine Garo Hills-o Village Council songaniko Nokma Council raken jegalataha.
Nokma Council-ni parakatani gitade, da•o ong•atenggipa Parliament Session-o Indian Constitution-ni Sixth Schedule-ko taridapna Bill-ko ra•gatahani gimin Garo Hills-ni Nokmarang kenchaksoenba, Garo Hills-o Village Council songaniko raken jegalsotokaha.
“Village Council-rangko songanichi Nokmarang an•tangtangni bilrangko gimaatgen aro ian Nokmarangni gisepo meligrikgijaniko ra•baani ong•gen,” ine Nokma Council-ni president parakataha.
MNREGA-ni ning•o jekai Nokmarangna bilko on•ja apsan daken Village Council-rangko songanioba Nokmarangni bilko ra•sekani gita ong•gen ineba Nokma Council-ni president parakataha.
“Uni gimin Village Council songani draft-ko mesokkujaskal aro Nokmarang baksa iani bidingo apsan asonge chanchirimkujaskal Garo Hills-ni dambonga a•jarango Village Council songaniko Nokmarang raken jegalenga,” ine Nokma Council parakataha.
Na·simang ia video-koba nina man·gen:
Na·simang iakoba poraina man·gen: Niam gri re•napbagipa manderangko am•sandiangkugen: FKJGP
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
