Shillong, March 21: Opposition dolni Congress Chief aro Shillong-ni MP Vincent H Pala, giljao kam kagipa ba dilgiparangko election-ni somoi-o pekatgipa ringanirangko sualenga ine namgija bimungko on•anina Voice of People’s Party (VPP)-ko matnange aganangaha. Ia indake giljani dilgiparang aro political dolrangni kosako VPP-ni matnanganiko dakaniara, Bharatiya Janata Party (BJP) dolni beberaanirang baksa apsana ine mesoka.

Kobor ra•timgiparang baksa agangrikengon, giljani pilak dilgiparangko potdraana bate, ka•donggipa ong•ode, badia giljani dilgipa ia indakgipa kamrangko ka•enga agane on•china aganangskaaha.

“VPP dolni indake giljao dangdike on•giparangni kosako matnanganiara namen dukni ong•a, maina saksa giljani dalbatgipa ba tymmen basan ong•na gita ru•utbea bilsirangna nanga. Ia tymmen basanko seokna gita ru•utbea bilsirangna cheke nian baksanaba giljani manderangba sako iana seokgen unaba bangbea somoirangko nanga. VPP dolrang ka•donggipa ongode, dos dakgipa mandeko agane on•bo jedakode giljani gita nanggipa ja•ku de•anirangko dakna man•gen, alturiri, ia kamal, pamong ba tymmen basan bak donga ine aganaiode ong•jawa aro namaba ong•ja. Skanggipa uamang party-rangko chadrapgen, jamano giljani dilgiparangko uni jamano antangtangni party-kosan rongtalgipa una agrede gipin dolrangkode namja indingen. Ian namja maina public-rang u•ignok.”

Bebera•aniko bilgriatode, manderangba bilgrigen, uandake dilgipa bilakode bebera•ani aro manderangba bilakgen uni gimin gilja an•chingna namen gamchatbea ine aganenba, “Angni chanchaini gitade, VPP dol, giljani manderangko kema bi•na nangchongmota maina giljani bimungko ra•e an•ching Meghalaya-osan ongja indiba a•gilsak gimikon gilja bimung namgijako man•gnok. Ia indakgipa kragija ba onggija kattarangko agananiko dontongna gita nangchongmota maina ian manderangko bringbrangatenga” ine MP agandapangkuaha.

VPP ian BJP-ni Christian verson ong•a ine ku•mongpaenba, Congress Chief, VPP aro BJP ia dolgnian apsan niamko jarikgipa dolrang jean giljao beberagiparang, songsalo janggi tanggiparang aro political party-rangko bilgriatna jotton ka•enga ine aganaha.

BJP dolrang bangbata salon, political partyrangko matnangan baksana dingtang dingtang toromrang chongmotan Christian ba ongja maina Muslim ba ongja maina matnanganiko dakgen, jedakode Christian ba Muslim ba Hindu ba gipin toromni voterang bringbrangatako man•gen. Na•simang nikna gita man•gen BJP man•a jaman Manipur mai a•sel ong•aha jeon torom ni gita ongja uamang jat ska jat ko bak dakatgen. Chol man•ode uamang ku•sik dingtang agangiparangkoba bak dakataigen. Uan daken VPP ba apsankon ka•enga.

Pala-ko singon, BJP-ba apsankon aganenga Congress-de TMC ni team B an aro TMC ia apsankon da•o nikengaha. Ia pilakan BJP ni kam ong•a jekon da•o VPP-rang copy paste ka•a gita chacha jarikangskaienga ine aganchakangaha.

Na·simang iakoba poraina man·gen: “VPP badita inch sorokko tarijok?” ine Tynsong ra·bia

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub