Shillong, Nov 20: West Jaintia Hill a•jani Niriang songo, me•apa saksa an•tang jikgipako wa•al so•aha. Ia me•chik sak 6 bi•sarangni ma•gipa ong•achim aro uko Shillong Civil Hospital-o sanna banniko on•aha.

Meghalaya State Commission for Woman-ni chairperson, Lamon Syiem aro gipin official-rangni dongpaanio, National Commission for Women (NCW)-ni member, Delina Khongdup, hospital-ona re•anggenba ia me•chikmako Budbar salo grongeaha.

Ia a•selni bidingo darangnaba aganjachina ine uni segipa ka•mikenata ine wa•al so•a man•gipa me•chikma parakataha.

Indake ong•engon gipin manderangsa uni be•eno wa•al kamani parirang baksa maming sanna bannaniko on•gija saknaae palango chakatna man•gija tue dongako nikeha aro police-na badi ka•china janapaha. Indake ong•genchimoba, uni segipa aro manigipani ka•mikkenate donani gimin ia a•selni bidingo badi ka•angna ua jechakaha. Indake adita ku•pattianirangko man•ani ja•mansa ua an•tang segipani dakgimin kamko parakaha.

Ia me•chikmako Medico-Legal Case (MLC)-ni  ning•o mokordomako segata grian Shillong Civil Hospital-oni watatpilaha aro uni segipa uko jrip dongchina ka•mikkenate songtangona rimangpilaha.

Iani gisepon Meghalaya State Women’s Commission, ia a•selko niari dongchajaha aro ia a•selni bidingo police-rang jako ra•e kam ka•anggen ine ku•rachakataha.

Iani bidingo am•sandianiko dakengaha aro mokordomako segatna ja•ku de•engaha ine Superintendent of Police Chemphang Syrti parakataha.

Na·simang ia video-koba nina man·gen: 

Na·simang iakoba poraina man·gen: Meghalaya a•dokni West Garo Hills a•jao dambong ge•aniko skie on•anga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub