Tura, May 21: Wachini somoi sokengahani gimin South Garo Hills a•jao dingtang dingtang department-rangni tarisamsoanirangko nipilna gita Mongolbar salo, South Garo Hills a•jani Deputy Commissioner aro District Disaster Management Authority (DDMA)-ni Chairman S Awasthi, dingtang dingtang department-ni officer-rang baksa tom•aniko Baghmara-ni District Resource Centre-o ong•atangaha.
Ia tom•anio, South Garo Hills a•jani Deputy Commissioner, dingtang dingtang department-ni officer-rang baksa chanchirimengon, wachini somoio chi banani aro a•a be•anirangchi manderangni neng•nikanirangko chagrongna nanganio dakchakanirangko on•na man•na gita pilak department-rangkon tarisamsoe dongchina ku•pattianirangko on•angaha.
Chirangko ripinge donna gita dingtang dingtang cholrangko sandichinaba ua South Garo Hills a•jani block development officer (BDO)-rangko aro Water Resources, Irrigation, Public Health Engineering (PHE) aro Soil & Water Conservation department-rangko didiangaha.
Ia tom•anio, South Garo Hills a•jani District Disaster Management Officer (DDMO)-ba jinmana aganprakengon, batanggimin bilsirango wachini somoirango manderangna dakchakanirangko on•na kam ka•anirangko mesoke on•angskaaha.
2022 bilsio a•arang ruronganirangchi manderangni janggirang aro gam-jinrang gimana nangahani gimin duko ga•akgipa manderangna department-ni gita mai dakgipa dakchakanirangko on•ahachim, uarangni giminba DDMO, jinmana agan-talate on•angaha.
2022-23 bilsioni 2025-26 bilsirangona State Disaster Response Fund (SDRF) aro National Disaster Response Fund (NDRF)-ni ning•o bariatgimin compensation-ni gimin talate on•angskaengon, a•kawe jolrango nosto ka•ako man•gipa pucca nokrangna gong 1,20,000-ko aro a•bri jolrango nosto ka•ako man•gipa kutcha nokrangna gong 1,30,000-ko on•skaengaha ine DDMO parakataha.
Na·simang ia video-koba nina man·gen:
Na·simang iakoba poraina man·gen: Adokgre-o gital rikgipa skul nok nosto ong•pilengaha ine GSU badi ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
