Tura, Apr 9: Wadagokgre Archeological site ba skang chasongo rikanggimin nokjam gopram aro gipin gamrangko ripenge donenggipa biapo, niamni kosako a•a cho•anirang aro gipin kamrangko niamgri ka•engani a•selo, ripinge donenggipa gamrang nosto ong•atako man•engani gimin, West Garo Hills a•jani District Magistrate, CrPC Section 144-ni ning•o on•gimin niamo pangchake, Wadagokgre Archeological site ba uni wilwilao donggipa biaprangoniko, niamgri a•a cho•ani aro gipin niamni kosako ka•enggipa kamrangko champengataha.
Ia ge•etanio, Law Enforcement aro Department of Art and Culture-ko watchange, West Garo Hills a•jani Deputy Commissioner-ni office ba Department of Art and Culture-oniko permission ra•ani gri, gipinrang ia biapona skatang napna man•jawa ineba janapataha.
Indake, Law Enforcement aro Department of Art and Culture-ni gita, ia jolrango, niamni kosako ka•enggipa kamrangko nirokaniko dakchinaba didiataha aro iani gisepo, saoba ia ge•etgimin niamko pe•anirangko rim•a man•genchimode, donsogimin niamo pangchake sastiko on•gen ineba janapataha.
Na·simang ia video-koba nina man·gen:
Na·simang iakoba poraina man·gen: CAA-ni bidingo Opposition dolrang tol•e sakki on•enga: Conrad
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
