Shillong, April 28: Green-Tech Foundation, Wah Thangsniang-ko ra•sekenba, Nongrimbah aro Nongrim Hills-ni sima ari jolo donggipa chiringni kosako pangkamgipa krongko niamgri rikdapanina niamni gita ja•ku de•anirangko dakchina sonibar salo dabianiko dakangaha.
Indake ia dabianio, sawa aro badia officer-rang, ia niam gri aro niamni a•palo chiringni kosako rikaniko dakaha uamangko sandichina aro Wah Thangsniang-ni kosako rikgipa, mongsongbate Shillong-ni Nongrimbah aro Nongrim Hills-ni sima ari-rangoniko rikgimin krongrangko ra•galchina gita ua dabiangkuaha.
Iani bidingo, East Khasi Hills-ni Deputy Commissioner-na, Meghalaya State Pollution Control Board (MSPCB) aro Shillong Municipal Board (SMB)-naba lekka sedoataha.
GTF-ni chairman HBN Nonglang, ia niamgri aro niamni a•palo, Wah Thangsniang-ni chirangko ra•sekenba, Nongrimbah aro Nongrim Hills-ni sima ari-rango u•ina man•gijagipa manderangni chiringni kosako niamgri krongrangko rikenganiko mikrontangchin nikna gita man•gen, ine aganangaha.
Lawjynriew chiringoni jokbagipa Wah Thangsiang chiring jean Lumpyngngad, Jingkieng, Nongthymmai, Nongrim Hills-ni, MES, Nongrimbah, Nongrimmaw aro Demsniang gita jokbaenga.
Indake ong•engon,ia rang•san janapatgimin chiringni kosako rikdapani, mongsongbate Shillong-ni Nongrimbah aro Nongrim Hills-ni sima ari-rango rikdapaniara bang•a sing•doanirangko nakatataha, maina High Court-ni gita 2019 suo motu pil no. 10-ni ge•etanio pangchake rak•gipa niamrangko donmanahachim.
“Ia rikdapenggipa krongara chiring sepang jolo donggipa manderangni janggina ba nokjamrangna kenchakani donga,” ineba ua agandapangkuaha.
Ia rikdapaniara, 2023 Meghalaya WaterBodies (Preservation and Conservation) Guidelines-o on•gimin ge•etanirangko pe•ani ong•aha.
Iana agreba, ua officerrangni dal•batgipa officeonikoba show-cause ba mai a•selni gimin ia kamrangko ka•na raiko on•manahachim una aganchakanirangkoba dabiangaha.
GTF, ia niamgri rikanirangko mai bimango rikchongkana chanchiahachim aro blue print ba bimang a•solo rikna skang noksao sale me•sokchenggipa lekkakoba, ua Public Architect/Engineer-oniko mesoke parakchina aro Shillong Municipal Board (SMB)-oni badia ge•etaniko mane ia bimangrangko ba krongrangko songaha uako mesokchina dabiangaha. Iani bidingo niamgri kam ka•aniko rima man•ahaode sastikoba chakna nanggen ineba ua aganangkuaha.
Una agreba, Nongrimbah aro Nongrim Hills-ni bijangchio donggipa Wah Thangsniang chiringni kosako ia niamgri gitcham bimangko pe•e gale gital krongrangko rikdapaniko, tale sing•sandianiko dake kragipa sastiko onchina gitaba dabiangaha.
Na·simang ia video-koba nina man·gen:
Na·simang iakoba poraina man·gen: Gong crore 7.2 damni heroin-ko East Jaintia Hills a•jao rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
