Tura, May 25 : National Tobacco Control Programme-ni ning•o Tura-ni District Health Society, Walkathon aro Cycling rally-ko Tura-o ong•atangaha. Ia rally-ko ong•atani japang kattara, “My Meghalaya Tobacco Free Meghalaya” ine ong•achim. Ia re•jomaniko, Chandmary kal•chakram-oni Tura Sericulture Compund, Amphitheater-ona ong•atangaha.
National Tobacco Control Programme-ni District Nodal Officer Dr Menokichi D Sangma, uni kan•dikbegipa agananio, ia program-ko, ta•makko jakalani namgijani gimin u•iatna aro manderangko ta•makku ba iandakgipa ta•makkuoniko tarigipa bostu-rangko jakkaljachina gita didianiko on•a miksonganian ong•a ine aganangaha. Uasan ong•aigija, ia program-ko “World No Tobacco Day” -ni salko gisik ra•ani bak gita ong•atangaha, jekon an•ching da•o re•baenggipa May jani 31 tariko manianggen.
West Garo Hills, Tura-ni District Medical and Health Officer, Dr Jakrambal A Sangma, ia re•jomaniko matchotatenba, chegiparangna certificate aro tangkani boksisrangko suale on•angan baksana, ia program-o bak ra•gipa sakantinan certificate-rangkoba suale on•angaha.
Na·simang ia video-koba nina man·gen:
Na·simang iakoba poraina man·gen: Adokgre-ni RMSA skul nokko rikenganiko CM nirokanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
