Ri-Bhoi, Feb 13: War Mynso Clan ba ma•chongni Yung Dorbar ba Community Hall-ko West Jaintia Hills a•jani ning•o ong•gipa Mynso songo, Rev. BB Lamin aro Mynso ma•chong-ni memborrangni dongpaanio, Rev. Dr. Fr Ioannis War nokdonggae on•angaha.

Ia Yung Dorbar-ko rikanio lakh 45 tangkarangko jakalaha aro ia nokdringko 2017 bilsio a•bachengatenba 2023 bilsio rikmanaha inenba Mynso ma•chong-ni Chairman, Jimmy War aganaha. Unbaksana, ia nokdringko rikanio, Mynso ma•chong-ni ripinggimin buring-ni bolrangko pale man•gipa tangkako jakalaha ineba ua janapataha.

Indake, ia Community Hall-ko rikanio chu•sokgipa ong•na man•ahani gimin aro ia nokdringko uamangni ma•chong baksana songsalni nangani somoio jakalna man•gnok inenba Rev. BB Lamin an•tang gisiko kusi ong•aniko parakatan baksa, ia Mynso ma•chong-ni office ning•o kam ka•enggipa dolrangnaba nama skaniko on•angjolaha.

Una agreba, Rev. Dr. Ioannis War, 1990 bilsio ia Mynso ma•chong-ni itihas-ni gimin segipa ki•tapko nipiltaianiko dakani somoi ong•engaha maina somoini aro chasongni kri namroro silroroaniba bataha aro itihas-oba gitalgipa kattarang nakataha inenba aganaha.

Ia tom•anio, Mynso ma•chong-ni memborrangoni bilsi 80 gapgimin manderangkoba mande ra•aniko dakangaha.

Iakoba poraie nina man·gen: Tura-o salgittamna Industrial Fair-ko ong•atenga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub