Assam, March 10: Adita salrangna Maharashtra a·dokni saksa MLA-ni Assam-o songdongenggipa mitam jatrangni cha·a-ringani bidingo kragija kattarangko aganahani gimin Congress aro AIDUF dolrangchi re·dilenggipa assembly-ni warachakgipa MLA-rang Sukrobar salo Assembly tom·aoni ong·katgrime kattokaha.

BJP-chi sorkariko rikenggipa Assam a·doko achak be·enko cha·gipa manderang gnang ine adita salrangna skang Maharashtra -ni MLA parakangahachim ine nikatna gita man·gen.

MLA-ni iandakgipa kattako agananiara Assam-o songdongenggipa manderangni kosako ong·a ine warachakgipa dolni MLA Rafiqul Islam, Sukrobar salo raken jegalatenba, kragija kattako agane an·tangna on·gimin bilko pe·ani gimin MLA-ni kosako ua niamo pangchake ja·kuko de·atgen ineba MLA parakataha.