Nongpoh, November 20: NITI Aayog-ni ning•o dam 20 gisiko nanggipa a•jarango anti 2-na ong•atanggipa Water Management and Conservation Campaign, Ri-Bhoi a•jao Nongpoh-ni St. Paul’s Parish Hall-o matchotangaha. Ia tom•anio, PHE-ni Minister incharge, Marcuise N Marak, Deputy Commissioner, Abhilash Baranwal, Chief Engineer, B. Lyndem aro gipin official-rang baksana school-ni chatro chatrirang aro songni dilgiparangba re•bae bakko ra•angaha.
Ia Jal Utsav program-ni bakko, District Administration aro Jal Jeevan Mission, dingtang dingtang department jekai PHE, Water Resources aro ua jolo songdongenggipa manderangni dakchakanichi ong•atangaha.
Deputy Commissioner Abhilash Baranwal, tom•anio aganengon, chiring chibisikrangko tange rakkianio songni manderangni on•gilpaani gamchataniko u•iatna miksonganio ia program-ko ong•atangaha inenba u•iataha. Minister Marcuise N Marak, a•songni gita ia namgipa ja•ku de•anio Ri-Bhoi a•jaba bakko man•pahanina an•tangni katchaaniko parakatengon, sal 15-ni gisepo awareness program-rangko ong•atna gita gisiko nangbee kamrangko ka•ahanina dingtang dingtang department-rang, school-rang aro self-help group (SHG)-rangkoba demittele aganangaha.
Ia anti 2-na ong•atanggipa campaign-ni bon•kamgipa salo, chiring chibisikrangko ripinge rakkiani bidingo ku•mikchetanirangko dakangan baksana ia campaign-ni ning•o dingtang dingtang kamrangna boksisrangkoba on•angaha. Ia program-ni bak gita dam 5 songrang chong•motan Iewmawlong, Mawdiangum, Pahamsyiem, Unlyngkdait and Shangbangla songrangna field testing kit-rangkoba suale on•angaha.
Ia campaign-ko songo noko donggipa manderangna chiring chibisikrangko tange rakkiani gamchatani bidingo skie on•a baksana namroro silroroaniko radona miksonganio ong•atangaha.
Na·simang ia video-koba nina man·gen:
Na·simang iakoba poraina man·gen: New Shillong Township-ni gital project-rangko CM nianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
