Williamnagar, March 21: East Garo Hills a•jani ning•o donggipa Koksi Songma songo, Watershed Yatra Campaign-ko Soil and Water Conservation aro Public Health Engineering-ni minister Marcuise N Marak, Williamnagar-ni Additional Deputy Commissioner, Albert G. Momin, State Planning Board-ni Co-Chairman, Nihim D. Shira aro sorkarini gipin agipi manderangni dongpaanio oprake on•angaha aro iano songni-nokni manderangba bang•en bak ra•angtokaha.
Ia tom•aniko Simsanggre Soil & Water Conservation Division ong•ataha. Pringni bako songni nokni manderang baksa Shram Dhan ba an•tangtangko on•kange song-nokko rongtalataha aro poraienggipa chatro-chatrirangna minggitam katta bichongrang, chongmotan, Natural Resources Conservation, Water Conservation aro Save Tree, Save Earth ine pangchakaniko done noksa salsusaaniko ong•ataha.
Ia tom•anio, Simsanggre Soil & Water Conservation Division-ni Divisional Soil and Water Conservation Officer, Corbeth Homa D. Sangma rimchaksoani kattarangko aganangengon, ia Watershed Yatra ba songreani, jekon Central-oni watatako man•e Northeast gimiko Watershed-ko ra•gipa biaprangona re•roroe mikrakataniko on•a miksongani ong•achim, iani bidingo talataniko on•angaha.
Ia program-o East Garo Hills-ni Additional Deputy Commissioner-ba jinmana aganprakengon, ia Watershed Yatra-ni miksonganiko talatenba, chiring-chibisik aro chini aro a•ani gamchataniko ma•sina nanga ine aganangaha.
State Planning Board-ni Co-chairman, Nihim D. Shira-ba ia tom•anio aganprakengon, ua A•chik a•songo mingsinggipa saksa singer Lucas Marak-ni segipa git aro Reverend Gilbirth-ni segipa ki•tapko gisik ra•atenba, tom•anio bak ra•gipa sakantikon a•ana aro china simsakchina gita didiangaha.
Ia tom•anio, Soil and Water Conservation aro PHE-ni Minister Marcuise N Marak-ba ia programme-ni gamchatgipa ong•aniko janapangengon, china simsakna nangani aro uko ripingani bidingo jinmana agane, iako da•onin simsaksojaode ja•man dongriknagipa dedrang aro su•drangrangna bilongeng neng•nikaniko ra•baani gita ong•gnok ine aganaha.
Da•alo a•dok sorkari, manderangni namgnina bang•a kamrangko ka•enga, an•seng-baljokanina, lekka porana aro rama-jal•angrangna namen kam ka•beenga, indiba ia janggiko on•gipa chiko ripingna mamung ja•kuko de•jaode sorkarini kamrangara indin ong•gramaigen ineba ua aganaha.
Ia tom•anio, manderangko an•saobatatna aro mikrakataniko on•a, da•ororo social media-o niksengenggipa Bahul aro Laiziman-ni dol dakmesoke aro gitrangko ring•e mesokangaha. Unbaksana, pringni bako noksa salsusaaniko ong•atanio bak ra•e chegiparangnaba mongsonggipa ong•e sokgiparangni jakchi boksisrangko sualangaha. Ia noksa salsusaanio chegiparangara, Senior Category-o skanggipa Pringchina N. Marak, gnigipa Peniangsa T. Sangma, aro gittamgipa Kimbera D. Shira ong•aha. Junior category-o chegiparanga, skanggipao Berniar Ch. Momin, gnigipao Anitha M. Sangma aro gittamgipao Shakira D. Shira ong•skaaha. Iamang gimikan Chidimit-o donggipa St. Joseph School-ni bi•sarang ong•a.
Na·simang ia video-koba nina man·gen:
Na·simang iakoba poraina man·gen: Maligaon-ni NFR Stadium sambao donggipa donggeoniko u·ina man·kugijagipa manggisiko man·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
