Ampati, Mar 24: Karirang dingtangroroengon aro chi-rangni tiproroenganiko chagrongna nangengon, watershed management aro chi-ko ripingani bidingo u·iataniko on·a miksonganio, Soil and Water Conservation Department-ni gita PMKSY WDC 2.0 ning·o Watershed Yatra-ni Flag-Off Programme-ko, South-West Garo Hills a·jani Rangsakona-o ong·atangaha.
Ia program-ko mongsonggipa sokgipa Rangsakona-ni MLA Subir M Marak oprake on·aha.
MLA Subir M Marak jinmana aganprakengon, samtangtango donggipa gamrangko ripinge rakkina aro watershed management-ko dakna nangchongmotengani gimin aganangaha aro Garo Hills Damgipin A·gisiko senokgipa Rev. Gilbert Marak sagini kattarangko gisik ra·atpilengon, Garo Hills damsa buring bolgrim aro chiring chibisikrangni tanganichi nitoatako man·gipa a·ja ong·achim aro Rev. Gilbert sagini agansoa gitan a·ba o·e cha·anichi aro bol wa·arangko den·galanichi a·dokan a·gisi ong·aha aro iarangko nikengon buring bolgrim aro chiring chibisikrangko ripinge rakkiani gimin mikrakataniko on·a nangchongmotgipa ong·enga ine aganaha.
Dolrich B. G. Momin-ba, Shillong-o uni chagronggimin chi-na dilaniko aganangan baksa mikkangchi re·baenggipa chasongrangna chi-ko ripinge rakkina nangchongmotenga ine janapataha.
Soil and Water Conservation Department-ni gitcham Director aro Garo Hills Environment Protection Society-ni advisor Dr. K. C. Momin, ma·mong sorkarini scheme jekai PMKSY WDC 2.0-rangko on·anichi songsalo chirongdikrangko ripinganio dakchakaniko on·ani gimin talate on·angaha.
Watershed Yatra, ian PMKSY WDC 2.0 scheme-ni ning·o a·bachengatgipa project ong·a jekon, Department of Land Resources, Ministry of Rural Development, Government of India-ni gita tangka paisako dakchakgipa ong·a aro Soil and Water Conservation Department, Government of India-ni gita chu·sokatskagipa ong·skaa.
Ia project-ko watershed management, a·ako ripingani aro bol wa·a ge·ani, chimikrangko tange rakkiani, rongtalgipa chi-ko jakkalani, a·a jo·olatgija game ge·e cha·ani cholrang aro ripinge rakkina mikrakataniko on·china u·iataniko on·a miksonganio a·bachengatgipa ong·a.
Ia program-o dingtang dingtang dakarikanirang jekai, quiz competition, Rangsakona songni chiringko rongtal an·talani, ‘Chi aro A·ako ripinge Rakkiani’ bidingo Dokaku Arts and Cultural Association-ni kan·dikgipa dakmesokani, Paani Ko Pathshala noksa salsusaanirangkoba school-ni chatro chatrirangna ong·atangaha aro chegiparangna boksis-rangkoba on·angaha.
Iana agreba, a·a aro chi-ko ripinge rakkina gita ku·mitchetaniko bak ra·gipa sakantian dakangaha.
Na·simang ia video-koba nina man·gen:
Na·simang iakoba poraina man·gen: Dane donenggipa koelarangni bidingo am·sandigiminko talatchina Justice Katakey bi·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
