Gangtok, July 17: Sal 9-na am•sandianiko daka jaman, Sikkim a•dokni gitcham minister RC Poudyal-ni manggisiko mongolbar salo, West Bengal Silliguri-ni sepangjolo donggipa canal ba dongge-oniko man•aha.
Ru•uta bilsirangna politics-ni a•bao kam ka•anggipa bilsi 80 onggipa Poudyal, jean re•anggipa July jani 7 tarikoni uni songtang Chota Singtam-oni gimaengachim, uni manggisiko, Fulbari-ni Teesta Canal ba dongge-oniko man•aha, inenba police dolrang u•iataha.
Poudyal-ni gimaa jaman, uko am•sandianiko dakna gita Special Investigation Team (SIT)-ko a•bachengataha.
“Kosakchini jokbagipa chibimaoniko Teesta-ni chibima man•baskaahakon ine aganenba, uni gangipa bara aro jako gangipa gori-ko nikesa uko Poudyal ine u•ina gita man•aiaha,” inenba police officer saksa u•iataha.
Sianggipa Shri RC Poudyal Jyu sagi, saksa sorkarini niamko name u•igipa aro a•gipibatgipa politics-ni dilgipa saksaba ong•achim, jean Sikkim a•dokni sorkarina dingtang dingtang gadangrango chongmotan minister ong•e aro Jhulke Gham Party-ni dilgipa ong•eba a•dok sorkarina dangdike on•angaha. Poudyal, skanggipa Sikkim Assembly-ni deputy speaker ong•e kamko ka•anga jaman a•dokni forest minister ong•e kamko ka•angskaaha.
1970 aro 1980-ni chasongrango ua saksa, Himalaya a•brijolo donggipa a•dokrangni politics-ni a•bao kam ka•giparangoni saksa mongsonggipaba ong•achim, jean Rising Sun Party-koba a•bachengdilgipa ong•achim.
Na·simang ia video-koba nina man·gen:
Na·simang iakoba poraina man·gen: DFA Tura GBHSS U-15 me•asa dolko mande ra•pilskaaniko daka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
