Guwahati, Feb 6: West Bengal-ni Murshidabad a•jani Baharampur, Kolkata-ni Salt Lake, Hoogly a•jani Chinsurah aro Jhargram a•jani Sadar, ia dambri biaponiko Enforcement Directorate (ED)-ni gita rang•gitik am•sandianiko dakangaha.

Indake, ia West Bengal-ni dambri biapo dongenggipa block level Officer aro sorkarini kamo Officer ong•enggiparangni nokko, ED rang•gitik am•sandianiko dakangaha.

ED dolrangni aganani gitade, ia am•sandianiko dakanio, MNREGA-ni ning•o on•enggipa sal 100-ni scheme-o kamko ka•gijagipa beneficiary-rangni bimung aro account numberko chu•gimik rim•na man•aha.

“Block development officer-rangan ia scheme-ko jako ra•e kam ka•enggipa ong•ani gimin ia tangka paisarangko kragija jakkalanio uamangan jak dongpana nanga ine chanchichipenga. Ia cha•bokgipa kamrangko u•iani jamano, ma•mong sorkari, batanggimin bilsignionin West Bengal-na MNREGA scheme-rangna fundko on•aniko dontongataha” ine ED doloni saksa aganaha.

Indake, sorkarioniko gong crore 7 mangni gita fund-ko man•a nangenga inenba West Bengal-ni Skotong Minister, Mamta Banerjee a•kangataha. Aro ia fund-ko man•pilna gita, February jani 2 aro 3 tariko, Kolkata-o jingjengatanikoba dakangaha aro Mamtani palo, uni party manderang jingjengataniko dakangkuenga.

Iakoba poraie nina man·gen: Assam Assembly-o Congress membor-rang jingjengata

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub