Malda, Feb 1: West Bengal-ni Malda a•jao, bilsi 11 ong•gipa me•chik bi•sako mamatang ka•saninggija sko sotenba so•otaha.

Kobor ra•timgiparangni aganani gita de, ia bi•sa, January jani 29 tariko gimaahachim. Indake ia bi•sani be•en aro skoko Malda songjinmani dingtang dingtang biaprangonikosa man•aha.

Ia bi•sani gimana skang, bilsi 27 ong•gipa mandeko ia bi•sa baksa CCTV footage-niko nikna gita man•aha ine Police aganaha.

January jani 29 tarikni attamni 6.15 mango ia bi•sa roramangahachim aro nokona re•piljahani gimin uni pagipa police station-o badi ka•aha.

Indake dos dakgipa mandeko sing•sandianiko dakengon, batanggimin somoio, ia bi•sani pagipa uko mande jinmani mikkango baitaba changna dokahani gimin a•jak sokna gita namchikgipako so•otskaaha ine dos dakgipa mande an•tangan ku•rachakaha. Iani gisepon, ia me•chik bi•sako so•otna skang til•ekdraahakon ineba Police-rang chanchichipenga.

Ia a•sel ong•ani kobor songjinma gimikchina gipangahaon, dos dakgipa mandeni kosako raka sastiko on•a nanga ine dabienba, bang•a manderang jingjengataniko dakna a•bachengaha.

Iakoba poraie nina man·gen: Budget 2024-25: Tax Rate-rango dingtangani dongjawa: Finance Minister

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub