Guwahati, Oct 6: Teesta chibima rang•gitik dal•bae Sikkim-o so•sojengjeng ong•anirangko nikna man•engon, chi ka•machiba ong•ronggija obosta ong•aha. Bristibar attamo, Mortar-chi gona jakkalgipa bomako chi man•pakbae West Bengal-ni Jalpaiguri jolo gopretanichi sakgni siaha aro gipin sakbri manderang bilongbee saknaaniko man•aha.

Police-ni aganani gitade, ian Indian Army-ni mortar-o sike gona jakkalgipa boma ong•achim aro ia bomako Budbar salo Sikkim-o bilongbee chi bananio man•pakonbaaha.

Ia koborko seaona kingkingde sianggipa manderangara sawachim, ma•sina man•kujaenga aro a•sel ong•anio saknaa man•e janggina dakgrikenggipa sakbri manderangko hospital-o donenga.

Police-ni aganani gitade, man•pakonbagipa bomako manderang rim•e niengmiting somoio ia boma gopretaha.

Sikkim a•dokni salgro jolo Army-ni boma-barut donram biapkoba Teesta chibima rang•gitik dal•baon man•pakangahani gimin, chibimani rikamjolo gopretgnigipa guli aro bomarang sikkate dongnaba gnang ine Bristibar salo, Sikkim sorkari mikrakataniko on•angaha.

Iakoba poraie nina man·gen: Tura-ni golf kal•gipako National Games-na seoka

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub