West Bengal, July 24: West Bengal-ni Skotong Minister Mamata Banerjee, Durga Puja ong•atgipa dolrangna sorkarini gita tangka gong 85,000-ko on•e dakchakaniko on•anggen ine parakataha.
Re•anggipa bilsio, West Bengal-ni Durga Puja Organiser-rangna tangka gong 70,000-ko a•dok sorkarini gita on•angahachim. Iani gisepon, re•baenggipa bilsiode a•dok sorkari tangka paisani gita dakchakaniko on•ani tangka gong 1,00,000-ona barignok inenba ua aganangkuaha.
Ia bilsio, puja ong•atgipa dolrangna pujako ong•atna gita licence-rangko tangka gri indin on•an baksanaba puja ong•atgiparangna bijolina tangka gamna nanganiko 75%-koba komiatgen. A•dok sorkarini gita puja ong•atgiparangna tangka paisani gita dakchakaniko on•a gita komibewaloba tangka gong 340 crore-rangko jakkalangna gita hisap ka•anirangko dakmanaha.
West Bengal-ni Skotong Minister, administrative aro Durga Puja Organiser-rang baksa apsan tom•aniko ong•atanio ia parakataniko dakangaha. Durga puja-ko dam 43,000 segatgimin gittimrang a•dok gimiko ong•atronga, jeoni 15,000-de Kolkata aro sepangjolo donggipa biaprang ong•a.
Maini a•sel ua changsano tangka paisani gita dakchakaniko tang•doatna man•jaengachim uni gimin talatengon, Skotong Minister Mamata, “da•alo budget-ni gimin parakataha aro Bengal-na mamingkon chamatjaha. Chinga jegita duk ong•genchim ong•oba, maniani sal somoio chinga maming dake jechakaniko dakjawa,” ine ua parakataha.
UNESCO-chi Intangible Cultural Heritage of Humanity ine bimungko man•pilgimin maniani ong•ani gimin ian bang•a manderangko salbana man•gipaba ong•achim uni gimin, puja ong•atgipa dolrangko Durga Puja manianiko ong•atengon simsakaniko dakchina gita, Skotong Minister mikrakataniko on•angaha. Durga Puja manianiko chu•soke manina man•a gita aro mande bang•ako maniatna ba katta ra•atna man•a gita uamangni ong•atna tarisamsoanirangko administration-na u•iataniko dakchinaba, Skotong Minister u•iatangaha. “Feet 112 mangni gita dal•begipa Durga miteni tarigimin bimangko dongen ine mesoksoaniko anga nikna man•aha. Na•song chanchisokama? Bebe gita ia ga•akna nangode manderang katpripra•e so•so jengjeng ong•atani ong•jawama? Iako tarienggipa dolrang ia obostarang ong•jana gita simsakaniko dakatna nanggen,” ineba Skotong Minister agandapangkuaha.
“Me•chikrangna chelchakaniko on•anio maming neng•nikani dongna nangjawa aro be•enni gita cholgri ong•gipa manderangna simsak nirokaniko on•a gitaba nanggen. Nanggitikani somoio, pilak a•sel obostarangko chagrongna nangjana gita pandal ning•o napna aro ong•katna gita bang•a cholgugarangkoba donna nanggen. Maiba a•selrang ong•ani somoio altuae apsan kam ka•na man•a gita, police control room, District Control room, State Control room aro Puja Committee control room-ba iano dongna nanggen,” inenba Skotong Minister Mamata u•iataniko dakangaha.
Re•anggipa bilsio, BJP dolrang, Durga Puja Organiser-rangna tangka paisani gita dakchakniko on•a tangka gong 70,000-ona bariatna tik ka•ani kosako jegalaniko dakan baksana, jinmani tangkarangko vote man•a budi dakenba jakkalsretenga inenba Bharatiya Janata Party uni kosako matnanganiko dakangaha. 2018 bilsio, ia dakchakani scheme-ko a•bachengato tangka gong 10,000-kosan on•aiachim indake bilsiantin ia scheme-ni tangkarangko bariroroataniko dakatenga.
Na·simang ia video-koba nina man·gen:
Na·simang iakoba poraina man·gen: Shillong Polytechnic-o A•chik me•chik saksani sianiko name sandipilchina A•chik dolrang dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
