Tura, August 18 : Sonibar salo, Tura Hawakhana-ni Indoor Sports Hall-o West Garo Hills a•jani 2-gipa District Badminton Championship-ko ong•ataniko ga•subee matchotata.
Ia sal 3-ni tournament-ko re•anggipa August jani 15 tarikoni 17 tarikona, Tura Badminton Association, West Garo Hills-ni District Sports Office baksa apsan bakrime aro a•dokni Skotong Minister-ni tangka paisani gita dakchakaniko man•e ong•atangaha.
Ia tournament-ko ong•atani miksonganiara, West Garo Hills a•jani ning•o donggipa badminton kal•giparangna susaani cholko on•a miksonganian ong•a. Uamangni category-o pangchake saksan ba dol gnang kalgiparangoni sak 23 badminton kal•giparangko, re•baenggipa August jani 28-oni 31 tarikona Shillong songjinmao ong•atna sienggipa State Championship-o a•jani palo kal•na gita seokaha.
Ia tournament-o kal•na gita sak 133 badminton kal•giparangni bimung segatgiparangoni, sal 3-ni gisepon chang 110 bilsubee kal•susaanirangko nikna gita man•aha. Indake ong•genchimoba, sak 71 me•asa aro sak 31 me•chik kal•giparangko man•chape chu•gimik sak 102 kal•giparangsan ia tournament-o bak ra•enba, ia rakbegipa susagrikani biapo an•tangtangni changa sapani aro gisiko ra•na kragipa kal•susaanirangko mesokangaha.
Ia tournament-ni bon•kamgipa salo a•dokni Skotong Minister Conrad K Sangma baksana West Garo Hills-ni Deputy Commissioner Jagdish Chelani aro Tura-ni District Sports Officer, Saljagring M Marak maang dongpaenba bilsubee bon•kamgipa kal•aniko niangna cholko man•an baksana chegiparangna award-rangkoba suale on•angaha.
Ia salni bako, 2024 bilsini August 16 tariko sianggipa, a•dokni gitcham Skotong Minister Salseng C Marak sagiko mande ra•ani bak gita minute 2-na jrip donganiko dakangaha.
Skotong Minister Conrad K Sangma, tournament-ko ong•atani bon•kamgipa salo aganengon, ia tournament-o bak ra•gipa chadambe sakantikon uamangni kal•anio gisiko nanganiko mesokanina aro kal•anio on•kanganina demittelangan baksana bi•sarangko iano bak ra•na gita cholko on•anina ma•a parangkoba demittele aganenba, poraiani baksana be•enni ranta ka•anikoba bi•sarangni name dol•roroanina nangchongmota ineba agandapangaha.
Ia tournament-ko ong•atani bon•kamgipa salo dingtang dingtang category-rangni bon•kamgipa kal•susaanirangko nikna gita man•aha. Ge 21 dingtang dingtang sub-category-rangni ning•o kal•giparangoni 1-gipa aro 2-gipa biapko man•e chegiparangna trophy aro certificate-rang baksana chu•gimik tangka gong lakh 1-koba chamataha. Ia tournament-o nambate dakgipa sakgni kal•giparang chong•motan Zaayan Khan Islam aro Amelia D Marak-na dingtangmancha award-ko on•angaha.
Na·simang ia video-koba nina man·gen:
Na·simang iakoba poraina man·gen: Assam sorkari bi•sa bakgitchakrangna birth certificate aro Aadhaar-rangko suale on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
