Tura, Mar 5: Sombar walo, West Garo Hills a·jani Selsella jol gita songreenggipa bike bolgniko mongmarang chadrapsoaha aro uandaken ia bike bolgnioni bike bolsako salgipa mande, janggitangko gimaatna nangaha.

Koborko on·ani gitade, sianggipa mandeara Garobadha-Mukdangra jolo donggipa Asibela songni bilsi 42 ong·gipa Jineng M Sangma ong·achim aro ua somoio ua an·tangni ripeng saksa baksa Selsella-ona re·ange walni somoio noktangona re·bapilengachim.

Uamang sakgnian dingtang dingtang bike-ko sale re·baengachim indiba rang·san uamang ramao mongmarangko chagrongeaha.

Mongmarangko chagronga bakan uni ripengde, ua biaponi sale katna man·aha indiba ia mandekode ua biapon mongmarang chadrapenba so·ote galangaha.

Ja·mano uni ripengtanggipa ia a·selni bidingo songni manderangna aganeaha aro uni manggisiko ua biaponikon man·eaha.

Na·simang iakoba poraie nina man·gen: Arunachal Pradesh, JJM-ko gipatanio 100 % man•e chu•soka

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020