Jowai, March 01: Butbar salni salpaksachibara 2 ata bajimango, West Jaintia Hills a·jani Wahiajer-ni ning·o donggipa Iawpunsin songni bajar-anti cha·ram biapko tanggitik wa·al kamanichi gimik-gimang te 80 na baten dokan nokrangko tapra changpile kamtokaha ine koboroniko knasona gita man·aha.

Ia obosta ong·ani bidingo a·jani police baksa agangrikaton, rasong gnangbee bajar sal ong·jani gimin wa·al kamgope nisiatako man·anio bang·gijasan noksan ong·aiaha ine u·iatenba, maioni wa·al kamchakatna gita a·bachengahachim da·odipet ma·sina gita man·kuja ineba a·jani police kobor ra·timgiparangna aganataha.