23.2 C
Tura
spot_img

West Jaintia Hills District-o a·songni 75gipa Republic Dayko rasong chae manianga

Must read

Jowai, Jan 26: India a·songni gipin bakrango gitan, West Jaintia Hills disctrictoba India a·songni Republic Dayko rasong aro mikkim gnange maniaha.

Jowai songjinmao, Animal Husbandry aro Veterinary Departmentni Minister Shri. A.L Hek, a·songni flag-ko Jrisalein kal·chakram bakrao badalataha. JNV Schoolni ring·dilenggipa National Anthemko pilakan ring·pae flagni badalako salam ka·tokaha.

Republic Day celebrations in Jowai and Amlarem: Flag hoisting, parades, and recognitions

A L Hek, tom·bagipa jinmana aganprakengon, ia nambegipa salo sakantinan nama sikaniko on·aha. A·songni jakgitelna dakgrikgipa manderangko gisik ra·atpile aganengon, a·doko chu·sokatna man·gimin dingtang dingtang kamrangkoba ua aganjolaha.

Republic Day parade kal·anio dol 20 bakko ra·aha. Districtni ge·15 departmentrang uamangni daka-rikani aro chu·sokanirangko jinmana dake mesokangaha.

Republic Day celebrations in Jowai and Amlarem: Flag hoisting, parades, and recognitions

Parade kal·anio nambatgiparangna Minister A L Hek boksisrangko sualaha. Skanggipa boksisko JNV Mukhla, gnigipa boksisko St. Mary Mazzerrello Higher Seondary School, Jowai aro gittamgipa boksisko prize Government Boys Higher Seondary School, Jowai man·aha.

Tableau mesoksusaanio District Horticulture Officer skanggipa boksisko man·aha; gnigipa boksisko District Commerce & Industries Centre aro gittamgipa boksisko Divisional Soil & Water Conservation Officer, Territorial Division man·aha.

Advertisement

Nambate dangdike on·enggipa Public Health Centrerangnaba boksisrangko on·aha. Sahsniang PHC-ko districto nambate dangdike on·enggipa Public Health Centre ine seokaha.

Ia manianio ka·srokatna git ring·ani aro chrokanirangba dongaha. Childrens’ Home-o donggipa bi·sarangna sorkari department aro songsalna dangdike on·gipa dolrang cha·anirangko sualaha. Republic Dayko salgimikan maniengon, attamchipak Sabah Muswang SC aro Football Academy of Meghalayani gisepo robol final kal·aniko Kiang Nangbah Stadiumo ong·ataha.

Advertisement

Amlarem Civil Sub-Division-o Republic Day-ko Amlarem Government Lower Primary School Playground-o maniaha. Uano a·songni flagko a·dok sorkanini Chief Advisor Lakhmen Rymbui badalataha. A·songni National Anthemko Riwar Jaintia Church of God Secondary School ring·dilengon, jinmaan uko ring·pae, badalgimin flagko salam ka·tokaha.

Advertisement

Amlarem-o Republic Day manianio dol 7 parade kal·e mesokaha. Parade kal·anio Ka Syiem Jingsuk Higher Secondary School skanggipa ong·aha, aro gnigipa boksisko Amlarem Secondary School man·aha.

Iakoba poraie nina man·gen: Tura-o Republic Day-ko manianio dol 12 parade ka·giparang bak ra·a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

spot_img

More articles

spot_img
-->

Latest article