Shillong, Dec 19: West Jaintia Hills a•jani Demthring songo ‘Modern Bi-Species’ be•en den•chakgipa nokko Mongolbar salo, Meghalaya a•dokni Animal Husbandry & Veterinary Minister AL Hek-ni jakchi kulie on•angaha.
Ia nokko nokdonggae on•angani somoio Hek, jinmana aganprakangengon, ia be•en den•chakgipa nokko kulianichi be•en bitinrangko rongtalbate manderangna palna man•gnok ine an•tangni ka•dongchakenganiko parakangaha.
Ia be•en bitin den•chakgipa nokko chalaianio a•bachengode adita neng•nikanirangko chagrongna nangnaba gnang ine janapatengon, be•en den•e palenggipa manderangko sorkari baksa bakrimchina aro pangnan rongtal an•talaniko rakkichina Minister didiangaha.
Iana skang, ia be•en bitin den•chakani nokko kuliani bidingo AH & Veterinary Directorate (Planning)-ni Deputy Director Dr WMW Khongwir, jinmana agan-talate on•angengon, ia noko salprakon matchu mang 50 aro wak mang 100-kode den•chakna gita biaprang donga ine parakataha.
Demthring songo ia be•en den•chakani nokko National Agricultural Bank for Rural Development (NABARD)-ni gong crore 7.83 tangkarangko dakchake on•anichi 2012-2013 bilsirango a•bachengataha ineba Dr Khongwir parakataha.
Iakoba poraie nina man·gen: Gari changketbeoba Krismasna katchasobo!
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
