Jowai, Oct 17: Sonibar salo Jowai constituency-ni MLA Wailadmiki Shylla, SWRP 2020-21-ni ning·o bregipa ambulance-ko West Jaintia Hills a·jani Ialong Dorbar Chnong-na on·gilangaha.Ia ambulance-ko Ialong Dorbar Chnong-na pakwate on·na gita tom·aniko ong·atanio Jowai-ni MLA, jinmana aganprakengon, ia ambulance-ara songna man·dapaniko ra·bana chol ong·gen ine ia ambulance-ko name jakkalchina gita songni dilgiparangko didiangenba, ia ambulance-ko songni manderangna jakkalna on·anio agre dam rakdugae ra·jachina gitaba didiangaha.

Ia ambulance-ko samba jolrango donggipa songrangba jakkalna man·gen ineba ua ia tom·anio parakataha.Ia ambulance-ko songni manderangna pakwate on·angahani gimin songni dilgiparangba dingtangmancha MLA Wailadmiki Shylla-ko mittelpilangaha. COVID-19 sajinmani somoio an·tangni constituency-ni manderangna rakbee kamrangko ka·ahani giminba ia tom·anio dingtangmancha songni dilgiparang, una mande ra·pilskaaniko on·angaha.