Tura, Nov 25 : Sombar salo, West Garo Hills Archery Association, District Sports Office baksa apsan nangrimenba, re•baenggipa Meghalaya Games-o bak ra•atna gita chri goanio gisiko nanggipa chadamberang chong•motan bilsi 14 ba una batgiparangna dingtang dingtang category-o, Tura Monfort Centre for Education School-o December jani 2 tariko chri gosusaaniko ong•atanggen ine parakataha.
Ia trial ba chri gosusaaniko ong•atani miksonganiara, a•jao donggipa chri gona sapgiparangko sandienba, uamangna namgipa skie on•anirangko dake re•baenggipa Meghalaya Games-o a•jatangni palo susana gita watatna miksonganio ong•a. Iano coach-rang aro Meghalaya Archery Association-ni personnel-rangba dongpae chadamberangna namgipa aro chugimik dilani baksa skie on•aniko dakanggen.
Gital bikotgipa, West Garo Hills Archery Association, a•jao chasongni kri skie ra•gipa aro gitcham bewalo chri goaniko tangchapilatna miksonganio ong•a.
Ia association-ni dal•batgipa miksonganide uan chasong gitalo chri goani aro chasong gitchamni bewalo chri goani bewalko apsan jakkalenba chri goani dakbewalrangko chadamberangna skie on•e a•jani aro a•songni gadango susaaniko dakna cholko on•anian ong•a.
Na·simang ia video-koba nina man·gen:
Na·simang iakoba poraina man·gen: Me•gong Festival-ko sal 4 ja•man ong•atanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
