Tura, March 25: West Garo Hills a·jani Deputy Commissioner Pa Ram Singh, Duragre-oni Darechikgre-ona tariangenggipa PMGSY sorok, jean Sasatgre gita Chandigre-o najokeachim uko Bristibar salo re·ange nirokeaha.
Kam ka·anirangko re·ange nieanio, Duragre-oni Darechikgre-ona dakanggipa PMGSY sorokko black topping on·e a·bachengataniko nikenba West Garo Hills-ni Deputy Commissioner an·tangni kusi ong·aniko parakatan baksa, ua apsan sorokoni joljol Sasatgre-oni Chandigre-ona nadike tariatenggipa PMGSY sorokko kam ka·atanirang namen tang·doengaha ineba ua, koborna parakataha.
Adita songrangni manderangna namgniko on·nasigipa ua sorokko tariatani bidingo DC, ia Pradhan Mantri Gram Sadak Yojana (PMGSY) sorokko chu·gimik name aro matchote kamrangko ka·atchina gita PWD department-ni officerrangkoba didiangjolaha.
“Anga ka·donga, PWD department ia PMGSY sorokko matchote kamrangko ka·anggen” ine agan-janapatan baksa, West Garo Hills a·jani ning·o donggipa gipin PMGSY sorokrangkoba niroke kamrangko a·bachengatengaha ineba a·jani DC, Pa Ram Singh koborna u·iatangjolaha.
