Tura, Mar 10: Dal·batsranggipa inter-village championship chong·motan, BAKRIM 2025-ko March 19 tariko Dadenggre-o ong·atnasienga aro iako ong·atanio West Garo Hills a·ja ning·o ga·akgipa songrang ‘Best Village Award’-na susaanggen.

Ia susaanio sorkarini on·enggipa scheme-rango pangchake chegipa songko baseanggen aro chegipana gong 1,00,000 tangkako boksis on·anggen.

Indake, ia susaanio pakmao noksa salani, budu salsusaani, volleyball kal·susaani, doka dam·ani aro chrokmesasusaani, sika koa sol·a repani aro ge·e game man·gimin me·su samjakrangkoba mesokaniko dakgen.

Ia susaanio Best Village Award-ko on·ana agreba, Best Village Employment Council (VEC), Best Village Health Council (VHC), Best Self-Help Group (SHG), Best Farmer, Clean Village, Best PMAY House aro Long-Live  Award-rangkoba man·a kragipa songrangna on·anggen.

Ia program-ko ong·atengani miksonganiara, samtangtango donggipa matburingrangko aro ong·telaigipa gamrangko ripinge rakkina nangchongmotengani gimin u·iataniko on·a miksongani ong·a.

Na·simang ia video-koba nina man·gen: 

Na·simang iakoba poraina man·gen: Skal pil·a pote me·chikma saksako dokgrime chisamo gala

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub