Tura, Jun 23: West Garo Hills a·jao District Sports Office-ni gita ong·atanggipa District-level Inter-School Subroto Mukherjee Cup Football Tournament, Sonibar salo, Tura-ni Chandmari robol kal·chakramo matchotangaha.
Ia robol kal·susaaniko re·anggipa June 6 tarikonin bilsi 15-ni ning·o ong·gipa chatrorang, bilsi 17-ni ning·o ong·gipa chatrorang aro bilsi 17-ni ning·o ong·gipa chatrirangna dingtang dingtang gadango ong·atangahachim.
Ia kal·susaanio West Garo Hills a·ja gimikoni dam 32 skulrang bakko ra·angaha aro uandaken bilsi 17-ni ning·o ong·gipa chatrirangni robol kal·susaanio Tura-ni Dalia Secondary School chegipa ong·aha aro Tura-ni Govt Boys Higher Secondary School, gnigipa boksisko man·skaaha. Bilsi 17-ni ning·o ong·gipa chatrirangni robol kal·susaanio, Govt Boys HS School-ni Niksera Ch Marak, ‘Best Player’-ni boksisko man·aha.
Bilsi 15-ni ning·o ong·gipa chatrorangni robol kal·susaanio, Tura Govt Boys HS School chegipa ong·skaaha aro Tura-ni Montfort Centre of Education, gnigipa biapko man·skaaha. Ia gadango Govt Boys HS School-ni Mallenga N Sangma, ‘Best Player’-ni boksisko man·aha.
Bilsi 17-ni ning·o ong·gipa chatrorangni robol kal·susaanio, Dilne Bolchugre songni Montfort Secondary School, chegipa ong·skaaha aro Tura-ni Montfort Centre of Education, gnigipa biapko man·rikskaaha. Bilsi 17 ong·gipa chatrorangni kal·susaanio, Dilne Bolchugre Montfort Secomdary School-ni Chando Ch Marak, ‘Best Player’-ni boksisko man·angskaaha.
Bon·kamgipa kal·susaanio, Directorate of Sports & Youth Affairs-ni gitcham Deputy Director Jasper P Marak, District Social Welfare Officer Silje A Sangma aro Tura-ni District Sports Officer Saljagring M Marak bakko ra·angenba, chegiparangna boksisrangko suale on·angaha.
Ia district-ni gadango robol kal·susaanio chegipa dolrang da·o State Level Subroto Mukherjee Cup-o West Garo Hills a·jani pal bakko ra·eskagnok.
Na·simang ia video-koba nina man·gen:
Na·simang iakoba poraina man·gen: MSLSA Williamnagar-o mega camp baksana back to school campaign-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
