Williamnagar, Apr 7: Ia 2025 bilsini Secondary School Leaving Certificate (SSLC) porikkao Dawagre-o donggipa Loyola Secondary School-ni chatri Umalizie D Sangma, gimik 600 mark-oni 563 mark-rangko man•e Top 20-ni 12-gipa biapo pass ka•aha aro ian MBOSE-ni SSLC porikkao Loyola Secondary School-na Top 20-o biapko man•chenggipa ong•e skulna mikkim rasongkoba ra•baaha.
An•tangni porikkao chu•sokgipa ong•ani bidingo Hub News baksa agangrikengon, ian uni bimchipe poraina an•tangko on•kangani, bida budina uni somoirangko on•ani aro una skulni gita dakchakanirangko on•ani bitesa ong•aha ine Umalizie parakataha.
“Anga changsaba janggi tanganio private tuition-ko ra•jaha indiba pangnan class-o skie on•anirangko gisiko nange skie ra•ronga aro class-o skie ra•anirangko nokoba nipilronga,” ine ua aganaha.
Ia porikkao chu•sokgipa ong•anina ua skulni principal, headmistress, skigiparang aro an•tangni ma•a paakoba mittelpilangaha.
Indake ong•engon, Williamnagar-o donggipa Green Yard Higher Secondary School-ni chatri Aganchi K Sangma-ba ia SSLC porikkao gimik 558 mark-rangko man•e, Top 20-ni 17-gipa biapko man•aha aro an•tangni skulnasan ong•aigija jatna aro A•chik a•songna mikkim rasongko ra•baaha.
An•tangni chu•sokgipa ong•ani bidingo Aganchi-ba Hub News baksa agangrikengon, uni poraianirango dakchakanirangko on•ahani gimin skulni headmistress, skigiparang aro an•tangni ma•a paako mittelpilangaha.
Aganchi K Sangma-ni Top 20-o pass ka•aniara Green Yard Higher Secondary School aro gipin chatro chatrirangnaba ra•biani aro didianiko ra•baani gita ong•aha.
Top 20-o pass ka•gipa chatri sakgnian, an•tangtangni bimchipani, on•kangani aro sakgipinrangni dakchakanirangchi chu•sokaniko man•aha aro ian Williamnagar jolrango donggipa gipin chatro chatriskarangna dakmesokani ong•aha.
Na·simang ia video-koba nina man·gen:
Na·simang iakoba poraina man·gen: Geoscientist rangni tom·aniko Shillongo ong·atenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
