Tura, July 16: A·chik jatni chagrongenggipa pilak ra·bianirangko aro neng·nikanirangiko namatna gita jatgimik nangrime ku·cholsan kamrangko ka·na gita nangenganiko manderangna ma·siate on·na aro sakantini bakrimaniko man·na gita miksonganio, Tura-ko Winter Capital ba sin·karini somoio a·dokni skotong dakchina dabidilenggipa ACHIK dol mija Sonibar salo, Tura-o signature campaign-ko ong·atangenba manderangni soirangko ra·angaha.
Ia campaign-ko ong·atangani bidingo ACHIK dolni General Secretary Thomas M Marak-ni koborna seachi parakanganio, “A·chik jatni namroro-silrorognina aro A·chik a·songko tang·doatna gita miksonge chingni mikkangchina re·mikkanganio sakantini bakrimania namen gamchata ine janapatenba, pilak namroro-silroroani bakrangko apsangrik ong·e nangrimatanichisa a·jana tang·doaniko ra·bana man·gnio ACHIK dol bebera·a aro A·chik jatna namgniko ra·bana gita bakrime kamko ka·na ACHIK dol iachi mande sakantina didianirangko on·na nangnika ine ua janapataha.
Ia signature campaign-o manderang an·tangtangni soiko on·anganichi, Meghalaya a·dokni ning·o Garo Hills a·jaonaba apsandakgipa namroro-silroroaniko on·na nangani gimin Tura-ko winter capital dakna ACHIK dolni dabienganio ku·cholsan bakrimaniko mesokpaani gitaba ong·jola ineba ua janapataha.
Tura-ko gnigipa skotong dakchina dabia baksana ACHIK dol, a·dokni job reservation policy-ko nambate ja·rikna gita roster system-ko ra·gatnasienganio batanggimin somoio A·chik jatni gimaatgimin man·gni bak-rengsiko on·china batanggimin somoiniko nipilate roster-ko ra·gatchina dabienba Mini seretariat mikkango okgimu chake jingjengataniko nikna gita man·enga.
Iakoba poraie nina man·gen: Relief camp-rango donggiparangna Manipur Guv dakchakna ku·rachaka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
