Shillong, July 9: Mongolbar salo, JHADC-ni Delimitation Committee, West Jaintia Hills a•jani dam 16 constituency-rang, chong•motan Amwi-Khliehtyrshi, Mukhla-Ummulong, Moodymmai-Nongkhroh, Wahiajer-Kyndong, Moodop–Umladang, Mynso-Nongjngi, Mynsngat–Khanduli, Shiliangmyntang-Namdong, Barato-Mukroh, Mowtyrshiah–Saphai, Sahsniang-Mowkaiaw, Raliang, Shangpung, Jowai – North, Jowai–Central and Jowai–South constituency-rangna public hearing-ko Mynthong Jowai-ni District Library Auditorium-o ong•atangaha.
Ia public hearing-ona re•bagipa manderang bang•dugaahani gimin songni sordar aro general secretary-rangkosan, an•tangtangni nangnikani aro chanchianirangko aganna gita Delimitation Committee on•aiaha aro uandaken ia dam 16 constituency-oni 90 percent-na baten songrang, ia dam 16 constituency-rangko gital dake sualpiltaianiko raken jegalangtokaha.
Ia songrang bang•batan badiaba administrative block-osa ga•akengon da•o constituency-rangko sualpiltaianio ia songrang gipin block-rangosa ga•akskaengaha ine songni manderang, constituency-rangko sualpiltaianio songni dilgiparang baksa agangrikchengjahani gimin jegalangtokaha.
Ia constituency-rangko gital dake sualpiltaigenchimode da•o ong•atna sienggipa district council election-o bak ra•jawa ine mitam songrang ka•mikkenatahaon, mitam songrangde iani bidingo kachario dakgrikna gitaba ka•mikkenatskatokaha.
An•tangtangni nangnikani aro neng•nikanirangko da•o July 19 tarik attam 3:00 bajina skangan see u•iatchina gita Delimitation Committee, ia songrangko didiangskaaha.
Na·simang ia video-koba nina man·gen:
Na·simang iakoba poraina man·gen: Ladakh-o tin•kagimin suri ga•akonani ja 9 jaman Assam-ni Army saksani manggisiko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
