Shillong, Feb 2: Sukrobar salo, Meghalaya a•dokni Chief Minister Conrad K Sangma, West Khasi Hills a•jani Riangdo kal•chakramo, Artificial Football Turf-ko tarina gita pangchakaniko songe on•angaha aro ia pangchakaniko songe on•anio, a•dokni Sports & Youth Affairs Minister Shakliar Warjri, Mawshynrut MLA Methodius Dkhar, West Khasi Hills a•jani Deputy Commissioner Garod Dykes aro gipinrangba dongpae bak ra•angtokaha.
Pangchakaniko songe on•anganio a•dokni Chief Minister, jinmana aganprakangengon, Riangdo robol kal•chakgipa biapara, Riangdo-ni manderangnasan ong•aigija samba jolo donggipa manderangnaba namen nangchongmotgipa ong•a ine parakangaha.
Meghalaya a•dokni bilsi 52 gapanio ia kal•chakramko taridapna gita da•alonan tangka paisarangko chame on•a dongkuja ine janapatengon, Riangdo jolrango robol kal•na gisik nanggipa manderangna uni sorkari, dingtangmancha Artificial Football Turf-ko tarina gong crore 10-mangko chame on•enga aro ia kal•chakramko ja 18-ni gisepon matchotate on•na somoiko donenga ine Chief Minister parakataha.
Khelo India Youth Games-ni robol kal•susaanio chegipa ong•baahani gimin Meghalaya football team-ko mittelpile aganangengon, chadamberangni iandake chu•sokaniko ra•baaniara a•dokna mikkim rasongko ra•baani gita ong•aha aro ian a•dokni chadamberangba gipinrangna bate ja•manchakgiparang ong•ja ine mesokaniba ong•aha ine Sangma aganaha.
Dingtang dingtang kamrango chu•sokgiparang ong•na man•na gita sorkari, a•dokni chadamberangna tangka paisani gita aro pilak nanga dakchakanirangko on•na nangenga ineba Chief Minister aganaha.
West Khasi Hills a•jao kal•chakram biaprangko tarisona man•aha ong•ode bilsianti ong•atenggipa Meghalaya Games-ko mikkangchi West Khasi Hills a•jaoba sokachakna man•gnok ineba ua aganaha.
Chief Minister-ni parakatani gitade, Meghalaya a•dokni pilak biaprangon kal•chakram biaprangko namdapatna man•na gitasa Meghalaya Games-ko ia bilsi dipet, bilsiantian dingtang dingtang a•jarango ong•atna a•bachengaha.
Kal•chakram biaprangkosan namatna kam ka•aigija a•doko kal•susaaniko tang•doatna gita sorkari, dingtang dingtang sports association-rang baksa bakrime kamko ka•gen ineba Sangma aganaha.
Iakoba poraie nina man·gen: Micro finance loan-ko ritchengatchina KMSS aro NMSS jingjengata
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
