Williamnagar, April 14: Skanggipa changna Williamnagar Civil Hospital-o kg 7 ong•gipa Ovarian tumor ba sa•tipo pari dakaniko hospital-ni doctor-rang, rate galna man•aha.
Ia operation ba rataniko Williamnagar Civil Hospital-ni doctor-rang, chong•motan gynaecologist Dr Vince Momin, anaesthesiologist Dr Conrad Marak, anaesthesiologist Dr Dipali Sangma aro emoc Dr Mepalchi Sangma dakdilaha aro uamangna hospital-ni nurse-rang, chong•motan Eulyn Marak, John Marak aro Pringchi Marak dakchake on•aha.
Williamnagar civil hospital-o iandakgipa operation-ko chu•sokatna man•aniara jolo songdongenggipa manderangna ka•donganiko ra•baani gitaba ong•aha.
