Williamnagar, April 15: Meghalaya a·dokni PHE Minister aro Williamnagar MLA Marcuise N Marak-ni bimingo tol·gipa account-ko social media-o kulienba, manderangoniko tangke gile ra·enga ine kobor on·aha.
Marak-ni u·iatani gitade, ma·sina man·gijagipa manderang, uni gitcham Facebook account-oniko uni photo-rangko ra·enba, uni bimingo tol·gipa account-ko kulie, manderangoniko Instagram gita tangka paisarangko bi·atenga.
Iani bidingo talataniko on·angengon, ia kamko ua an·tangde dakenga ong·ja indiba saobarangsa an·tangtangni man·gnina uni bimingo, iandake tol·gipa account-ko kulie manderangoniko tangka paisarangko gile ra·enga ine Marak parakataha.
Iani bidingo ua police-rangna kobor on·atmanaha ine parakatskaengon, iandake uni bimingo social media-rang gita tangkarangko bi·atgenchimode tangka paisarangko on·atjachina ba watatjachina gita Williamnagar-ni MLA Marcuise Marak mol·molataha.
