Williamnagar, Aug 21: Williamnagar Municipal Office-cum-Market Complex-ko Sombar salo, Meghalaya a•dokni Chief Minister Conrad K Sangma, Williamnagar-ni Soil Bazar-o nokdonggae on•angaha aro ia gital office-ko nokdonggae on•anganio a•dokni PHE Minister Marcuise N Marak aro Rongjeng-ni MLA Jim Sangma-ba dongpae bak ra•angaha.
Ia Williamnagar Municipal Office aro Market Complex-ko nokdonggae on•anganio a•dokni Chief Minister, jinmana aganprakangengon, a•dokni dingtang dingtang biaprango manderangni nangnikenggipa nokrangko rike on•na gita sorkari kang•kare kaaha aro ia kamrangko somoi gita matchotatna on•kange kam ka•enga ine parakataha.
Nokrang aro rama jal•langrangan songo noko namroro silroroaniko ra•baani cholrang ong•a ine janapatengon, iandakgipa namroro silroroani cholrangchi manderangna janggi tangani cholrangkoba on•na man•a ine Chief Minister parakataha.
Meghalaya a•dokni manderangna ia sorkari, gital chasongni kolrangko, namgipa lekka poraniko aro an•seng baljokaniko on•na niksamsoani gnang kam ka•enga ineba Chief Minister parakataha.
Ia Williamnagar Municipal Office aro Market Complex-ko nokdonggaaniara jolo songdongenggipa manderangna nambata cholrangko on•anio re•mikkangani ong•aha ineba ua aganaha.
East Garo Hills a•jao gitchambatsranggipa Rongrenggre Higher Secondary School-ko sorkari, gital dake taridapgen ineba Chief Minister parakataha.
Williamnagar-ona re•anganio ua da•o rikenggipa Williamnagar college aro Mini Stadium-koba niangjolaha aro ia kamrangko bakan matchotgnok ine parakataha.
Ia salni bako a•dokni Chief Minister Conrad K Sangma, Chief Minister’s Digital Learning Aid-ni ning•o M-Tab-rangkoba chatro chatrirangna suale on•angjolaha aro Spice Mission-ni bak gita dingtangmancha East Garo Hills a•jani game ge•e cha•giparangna dalchini chararangkoba suale on•angaha.
Ia apsan salon ua North Eastern Region Phase-I-ni Mission Organic Value Chain Development-ni ning•o bolgittam Bolera Pik-up garirangkoba a•bachengate on•angaha.
Iakoba poraie nina man·gen: Conjunctivitis saaniara batrikrikgipa ong•genchimoba kenna nanggipa ong•ja ine Health Minister talata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
