Williamnagar, Dec 12: East Garo Hills a•jani Williamnagar jillao donggipa Balsrigittim aro Warimagre gittimni manderangna Sombar salo, a•a songgigrikani lekkarangko, Meghalaya a•dokni Chief Minister Conrad K Sangma pakwate on•angaha.
Ia gittim damgnio songdongenggipa manderangna a•a songgigrikani lekkarangko pakwate on•angani somoio Williamnagar-ni MLA Marcuise N Marak-ba dongpaaha.
17 households of Balsrigittim and 6 from Warimagre were handed land documents today.
This fulfils our promise to the people of the 2 localities to resolves this long-pending issue and will further development in the areas that were deprived of due to the land settlement issues. pic.twitter.com/7gTph6godz
— Conrad Sangma (@SangmaConrad) December 12, 2022
Williamnagar-ni Balsrigittim aro Warimagre gittimo sak 1200-na baten manderang, ru•utbea bilsirangna sorkarini a•ao songdong a•chaktokengahachim aro uamang ia a•arangko ra•na gita sorkario mol•moltokengachim.
Ia gittim damgnio songdongenggipa manderang a•a lekkarang dongjani a•selan loan-rangko aro sorkarini dingtang dingtang namgnirangko ra•na man•tokjaengachim.
Iandakgipa neng•nikanirangko namatchina gita ia gittim damgnini manderang, sorkariko mol•moltokengachim aro uandaken da•o Chief Minister-ni dilanichi a•dokni Revenue department, a•a songgigrikani lekkarangko ia gittim damgnini manderangna tarie on•na man•aha.
Ia gittim damgnini manderangna a•a songgigrikani lekkarangko pakwate on•angani somoio a•dokni Chief Minister, jinmana aganprakatengon, ia gittim damgnio songdongenggipa manderangni neng•nikanirangko namatna gita rakbee kamrangko ka•dilahani gimin jolni MLA Marcuise Marak-ko mittelpilangaha.
Tura aro Williamnagar-o apsan daken dingtang dingtang gittimrango songdongenggipa manderang, neng•nikanirangko chagrongna nangtokenga aro iandakgipa gittimrango songdongenggipa manderangna sorkarini dingtang dingtang cholrangko on•na gita sorkari, a•a lekkarangko tarie on•na kamrangko ka•aha ineba Chief Minister parakataha.
Ia program-ko ong•atanio a•dokni Chief Minister aro jolni MLA Marcuise Marak, Balsrigittimni sak 17 manderangna aro Warimagre-ni sak 6 manderangna a•a songgigrikani lekkarangko pakwate on•angaha.
