Williamnagar, Nov 14: Bristibar salo, Williamnagar-ni Green Yard Higher Secondary School-o Annual Parents & Guardians Meet ba bilsio ma·a paarangni aro nitimgiparangni gronggrikani program-ko ong·atangaha aro ia apsan salon science exhibition-koba ong·atangjolaha.
Ia program-ko ong·atanio, East Garo Hills a·jani District School Education Officer (DSEO) Santimoy D Marak, mongsonggipa sokgipa ong·e bak ra·angaha aro unbaksana Sub-Divisional School Education Officer (SDSEO) Samuel K Sangma-ba dongpae bak ra·angaha.
Ia program-ko ong·atanio, East Garo Hills a·jani DSEO Santimoy D Marak, tom·anio bak ra·giparangna aganprakengon, ia program-ona re·bae bak ra·eahani gimin ma·a paarangko mittelpilangenba, ian ma·a paarangni detangtangna on·kanganiko mesokani ong·a ine parakangaha.
Skulo skigiparangoniko skie ra·na skangba chatro chatrirang, noktangtangon ma·a paarangoniko skie ra·chengronga ine janapatengon, bi·sarangna a·gilsakni seng·aniko on·anio skigiparang aro ma·a paarang pilakan apsan daitoko sualgrike ra·na man·a ine Marak parakataha.
Ia tom·anio SDSEO Samuel K Sangma-ba jinmana aganprakengon, skulo poraienggipa bi·sarangna an·tangni namgipa skanirangko on·angenba, ia salo parents meet aro science exhibition-ko ong·atahani gimin skulko chalaienggipa manderangko mittelpilangaha. Bi·sako dal·ataniara ma·a paamangmangni daitosan ong·ja indiba iano nokdang, noksul songsul, skigiparang aro songsalni manderang pilakan daito donggiparang ong·a ine Marak aganaha.
Ia skang, Green Yard HS School-ni Headmistress Diana N Sangma, rimchaksoani kattarangko aganangengon, ia program-ko ong·atani miksonganikoba jinmana talate on·angjolaha.
Jinma tom·a matchotani ja·man science exhibition-koba DSEO-ni jakchi oprake on·angaha.
Na·simang ia video-koba nina man·gen:
Na·simang iakoba poraina man·gen: West Bengal-ni CM, Darjeeling Zoo-o atchigital Snow Leopard aro Red Panda bi•sako bimung minga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
